Nunuwihe Ewodhelo Yehu Mmabasani a Olaleya—Nashagihe Anamalaleya Aswa
Ekaleleni Yamakamaka: Anamafara aswa a Yezu anofanyeela osunza “ovirihamo dhetene dhilamulile” iyene, esuwene dhintaganyiheya na wasunziha attu eena ebaribari. (Mt. 28:19, 20) Owinjivaya ali aswa ahimala woniwa yawila anofanyeelela okosa mpaddi wa Eskola ya Orumiwi wa Mulugu vina ahikaana gari ya wavaha onamoona anamudhi awa obe akwawa. Mwadhahene, mudhidhi onunuwiha awene efunelo ya ejile ensunzani, vina anonelagamo yawila Yehova onfuna wi attu otene ewe miselu dhapama, awene anotonyihedha efunelo ya okosa mabasa a olaleya. (Rom. 10:13, 14) Muttu agarumeliwa okala namalaleya wohibatiziwa, oshagihiwa onele omukamihedha okala woliba vaddiddi, mudhidhi onttukula iyene ttarho ya wunuwa omuyani.—Luka 6:40.
Ninakose Dhavi:
• Kamukamihedhe namalaleya muswa okaana marevista anafuniye olabana mmabasani a olaleya vina osunzihana. Kamulagihe mukalelo onsasanyedha weyo buddu nawo na odhowana omalaleyoni, vina kamukamihedhe olabihedha kadda revista mowiwanana na ejile enloga revistana.
• Kasakulani motene mukalelo wolagiha wa oromana makani, oli mu Mabasani Ehu a Omwene vina kashagihanina. Kaalibihe anamalaleya otene ali aswa wi akosege masasanyedho a oroma makani na mazu awa. Kaloga mukalelo wa olagiha onfanyeelela vamuruddani vawo, mowiwanana na nivuru Escola do Ministério, nikuku 82. Kaloga ttima ya ovisasanyedha deretu, vina mukalelo wowabala wofanyeelela.—2 Kor. 6:3, 4.
• Kadhowavi bugavaha mashagiho. Kamulagihe namalaleya muswa kartau na muruddaya, vina kamusunzihe mukalelo wa omulebela muttu oddule onlagiha efunelo wi amwiyelele. Kamulagihe mukalelo wa omwiyelela muttu ole onlagiha efunelo omulebeliye wi amwiyelele. Kamusunzihe mukalelo wa omulabihedha jw.org mmabasani a olaleya vina mukalelo wa olabihedha livretu Boas Novas para Pessoas de Todas as Nações. Kamukamihedhe okaana efunelo ya wasunziha abale anafanya iyene.—1 Kor. 3:6.
• Okale wokurumuwa, vina otamaalelege. (Gano 25:11) Kavaha yotagiha yaderetu. Mirugu dhawo vamodha na efunelo ena weyo dhinele okaana dhopurelamo dhaderetu mwa yaka ejo endawo.
Otagihe Dhahi Mweri Obuno:
• Kalaba mmabasani a olaleya numba na numba na namasunza wawo, vina ogamwiyelelaga muttu obe ogadhowaga weddiha nsunzo kadhowa vamodha na namasunzawoya. Akala kuna namasunza, kamuwobe namalaleya ona ewodhelo eng’onovi wi mulabe vamodha.