Kasunziheni wi Adhowenavi Omulabela wawa Yehova

Dhinpadduwaga dhinowoniha wi namalaleya onswagihiwa wi akaane ewodhelo ya olaba mmabasani a olaleya, musogoromwa onokala namalaleya wopureleyamo vaddiddi. (Gano 22:6; Fil 3:16) Karoma wona malago aba anowodhihe omuswagihana namalaleya onadhe okana ewodhelo yosibeya mmabasani a olaleya.

• Akala namasunza wawo onorumelihiwa okala namalaleya, karoma omuswagiha momaguva. (km-T 8/15 1) kamulagihe yupurelamo ya okalela ntidi mabasa olaleya sumana dhotedhene. (Fil 1:10) Okale wa ttotto ogalogaga dha olaleya mmuruddani. (Fil 4:8) Omukokomeze olabaga na mwimeleli wa nikuru na malaleyo vina na anamalaleya ottiyana-ttiyana wi adhe apure malago awa.—Gano 1:5; km-T 10/12 6 ddima 3

  

• Namasunza wawo agamala obatiziwa, kuttiye omulibiha vina omuswagiha mmabasani a olaleya; ttabwa-ttabwa akala kanatti omariha osunza nivuru na “Okwela wa Mulugu.”—km-T 12/13 7

  

• Ogalabaga mmabasani a olaleya na namalaleya muswa, kulaleyege na masunziho opipirhiha; ogamala ovuruwana mulaleyelo waye, omutamalele vopitta. Omwaddele mazu anamukanihevi ttotto ya olaleyana.—km-T 5/10 7