YEDDELO YA AKRISTU

AGOSTO 29–SETEMBRO 4 Sunziha Ebaribari

Oromana mweri wa Setembro, Nivuru na Mabasa a Matugumano ninela okaana ekalelo eswa ya mulagiho wohirutxa ona mutoma onloga “Sunziha Ebaribari”. Yofuna yehu ja wavuwihedha attu otene nipara n’ebaribari, nakosaga mavuzo vina nalagihaga dhowakuladha mmaleboni.

Muttuya agafunavi, ninolaganela wiyela labo nina; nihinatti odhowa ninomuttiyedha nivuru-nivuruvi obe omulagiha vidiyu mu jw.org bari enimukalela. Egawodheya jofuneya vaddiddi wiyelelawo ahinatti ovira malabo menjene wi niloge na mwanamuralaya makani mang’onovi. Ekalelo eji eswa ya oromana makani, otaganyiha na ottomiwa wa anamasunza, mitomadha dhotedhene dhigattiddiwa mu nivuruni Txini Ennisunziha Bibilia? Nivuru ntti nihikaana mavuzo na malebo ananiwodhihe ottapwattedha makani obe oromana nsunzo, nimulabihedhaga Bibilia bahi.

Dilaya-dilaya enttukulela egumi eli modha bahi. (Mt 7:13, 14) Nigalogaga na attu a relijiau vina dhilemelelo dhottiyana-ttiyana, jofuneya ologa ebaribari ya mBibiliani enonihu yawi eji jinfuniye wiwa. (1Tim 2:4) Nigawodha ologa makani ottiyana-ttiyana a mBibiliani “ninga namalaleya onribela murima ofiyana nzu n’ebaribari,” emwerumweru yehu jinenjivevi, vina ninele opurelamo mabasa ehu a wawaddela attu otene ebaribari.​—2Tim 2:15.

[Kasha vanikukuni 8]

KALALEYA NA MULAGIHO MUSWA . . .

• numba-numba

• mimburo dhinkaletxa attu

• wi oromena nsunzo na Bibilia