YEDDELO YA AKRISTU

Nunuwihe Ewodhelo Yehu Mmabasani a Olaleya​—Nalibihe Anna Efunelo wi One Matugumano

EKALELANI YA MAKAMAKA: Vamatugumanoni ‘ninomwibela Yehova’ vina ninomuttittimiha ‘Namawodha-wodha wehu.’ (Masal 149:1) Vamatugumanoni iyo ninsunzihiwa dila dha Mulugu. (Masal 143:10) Abale ana efunelo na anamasunza a Bibilia, otene anlibeletxa mabasa apama agaromaga woona matugumano.

NINAKOSE DHAVI:

• Omuwobe muttuya momaguva-mwene. Kujedhele wi nsunzona na Bibilia nikale novadda.​—Ovuh 22:17

• Ogamala omuwoba muttuya, omutapulele dhotedhene dhinkosiwa omatugumanoniwa vina omwaddele dhinasunziwe labo nina na matugumano. Dhipano esi dhinokamihedha: niwobo na matugumano a mulogo, vidiyu Txini Enkosiwa mu Numbani ya Omwene? vina brochura Ofuna wa Mulugu nsunzo 5 na 7

• Omukamihedhe. Akala muttuya onodha, onokaana wego waye-wene wogilati, obe enofuneya odhana guwo dhokaletxa? Akala onodha, ogilati vakuvi na iyene wi moonege motene manivuruya ansunziwa. Ogamala omulagihe abali eena.

[Kasha vanikukuni 7]

ENAPAKIWE OUTUBRO: NIWOBO NA MATUGUMANO A MULOGO

Otene abale anda woona matugumano ehu anofiyedha ologa mmirimani mwawa: “Txibarene Mulugu oli na nyuwo.” (1 Kor 14:25) Mweri wa Outubro, mabasa anakosetxihu ba wawoba attu wila oone matugumano ehu a omamalelo wa sumana. Ninfuna napakele attu otene niwobo na matugumano; mwanamuralaya agalagiha efunelo, ninomulagiha vidiyu Txini Enkosiwa mu Numbani ya Omwene? Vanela woniwa mulagiho wohirutxa vina mulagihoya onalogeliwe sumana endawo.