OVILIBIHEDHE MMABASANI A OLAYEYA | KATTABA NA MABASA A WAKOSA ANAMAFWARA
Kaakamihedhe Anamasunza Awo a Bibilia wi Adhowege Omatugumanoni
Matugumano a mmulogoni anokosa epaddi ya webedha wehu. (Masal 22:22) Etene antugumana wi amwebedhe Yehova anowagalala vina anowakela mareliho. (Masal 65:4) Anamasunza a Bibilia anamaguve wunuwa mpaddi womuyani agonaga matugumano.
Onawodhe dhavi wakamihedha anamasunza awo a Bibilia wonaga matugumano? Kamuwobegevi namasunza wawo wa Bibilia wi onege matugumano. Kona vidiyu Txini Empadduwa Munumbani ya Omwene? Kamutapulele yopurelamoya yowonaga matugumano. (lff nsunzo 10) Kampange epurelemo weyo mmatugumanoni avirile vina omulagihe mutoma wa matugumano andhawo. Kanvahe namasunza wawo nivuru ninasunziwe mmatugumanonimwa. Kamukamihedhe osasanyedha matugumanoya. Egawodheya omukamihedhe ofiya omatugumanoniwa. Guru-guruvi enkosiwe onele wagalala modhela omona namasunza wawo agadha omatugumanoni ddila yoroma.—1Kor 14:24, 25.
KOONA VIDIYU KAKAMIHEDHE ANAMASUNZA AWO A BIBILIA WI ADHOWEGE OMATUGUMANONI, OGAMALA WAKULE MAVUZO ANFWARELA:
Neeta opurilemo dhavi mudhidhi wila amuwobe Jade adhowe omatugumanoni?
Ninagalelanni namasunza wa Bibilia agadhowa omatugumanoni?
“Mulugu oli na nyuwo”
Yopurelamo gani ekanile Jade vadhowiliye wona matugumano dila yoroma?