Kaakamihedhe Anamasunza Awo a Bibilia wi Onuwihe Mandano na Yehova

Yehova onfuna wi nimulabelege na okwela. (Mt 22:37, 38) Omukwela Mulugu onele wakamihedha anamasunza a Bibilia okosa matxinjo anfuneya vina okalavi olibene agagumanagana makattamiho. (1Jo 5:3) Vina onele wakamihedha ottukula ttarho ya obatiziwa.

Kakamihedhe anamasunza awo a Bibilia wona okwela wa Mulugu mwa awene. Kakosa mavuzo ninga aba: “Eji enusunziha enni mwaha wa Yehova?” obe “Eji enoniha dhavi okwela wa Mulugu mwa weyo?” Kakamihedhe ononelamo mukalelo onakamihedha Yehova muttu-muttu. (2Map 16:9) Kaloga na awene dhotagiha dhakulile Yehova malobelo awo vina kaalibihe wi afaseyele wona mukalelo onakula Yehova malobelo awa. Wagalala onddimuwa onda mwa wawona anamasunza a Bibilia akulelaga okwela wa Yehova vina atonyihedhaga mandano oliba na iyene.

KOONA VIDIYU KAAKAMIHEDHE ANAMASUNZA AWO A BIBILIA WI ONUWIHE MANDANO NA YEHOVA, OGAMALA WAKULE MAVUZO ANFWARELA:

• 

  Yorutxa gani egumanilena Jade?

• 

  Neeta Owodhile dhavi omukamihedha Jade?

• 

  Jade owodhile dhavi okwaranya yorutxa?