Kaakamihedhe Anamasunza Awo a Bibilia wi Akane Mweddelo Wofwanyelela

Abale ankana mweddelo wofwanyelela banjavo mandano ofiyedheya na Yehova. (1Ped 1:14-16) Venevo vankana anamasunza a Bibilia mweddelo wofwanyelela, awene vina anoroma wajavo amudhawa, egumi yowagalala vina okana nikamihedho nawa.

Omutapulelemo Deretu magano a Yehova sabwa ya mweddelo vina mwa dhopurelemo dha ovirihamo maganoya. Kafaseyela omukamihedha namasunza wawo otxinja mubuwelo waye vina iyene onele otagiha merelo awo. (Ef 4:22-24) Omonihe wi na nikamihedho na Yehova enowodheya ottiya mweddelo wohifanyelela. (Fil 4:13) Kaasunziye omulobelela Yehova agafunaga okosa yottega. Kakamihedhe ozinddiyela dhoweha dhinfwanyelani orabela. Kalibihe wi atxinje mweddelo wawa wohifwanyelela na mweddelo wofwanyelela. Wagalala onda mwa wawona anamasunza a Bibilia akosaga matxinjo mwigumini mwawa na nikamihedho na Yehova.

KOONA VIDIYU KAAKAMIHEDHE ANAMASUNZA AWO A BIBILIA WI AKANE MWEDDELO WOFWANYELELA OGAMALA WAKULE MAVUZO ANFWARELA:

• 

  Anddimuwa a mulogoni na Neeta amukuluvelihile dhavi Jade wi iyene agahittiya mweddelo waye wohifwanyelela?

• 

  Neeta onvahile dhavi nikamihedho Jade?

• 

  Jade owodhile dhavi otamela nikamihedho na Yehova?