Masiki paskwa vahalani ezinddiyelo ya Siyarhi ya Nabuya, muttupo obu wahikaana yofuna onitapulela. Ninga motagiha, murumiwi Paulo ohiloga wi Yezu ‘mwana-nibila wa Paskwa wehu.’ (1Kor 5:7) Nikami na Yezu nihavuna attu; eji enoliganihiwa na nikami nttile na mwana-nibila nasigihiwe vamusuwo, nikala ezinddiyelo ya ovuneya wa attu. (Obud 12:12, 13) Masaka abale a Paskwa, nibila napiwa kanendiwa nne nigogoddo nimodha. Jijene vina epadduwile na Yezu, nne nigogoddo nimodha naye kanindiwe, másiki valani elemelelo ya masakene abale, y’omunda magogoddo muttu opeliwa vapingirhizini.—Obud 12:46; Jo 19:31-33, 36.