Nunuwihe Ewodhelo Yehu Mmabasani—A Olaleya

EKALELENI YAMAKAMAKA: Athikitheliwi vamodha na mabila mena anowakuwelelaga athu “manje ankaliha egumi ahipitxaga elo.” (Ovuh 22:17) Manje aba a nladdaniho, antonya gari yavahile Yehova athu aniwelela mazu aye, awene anela ovuneya mukwani vina muthegani. Iyo ninofwanyela walagiha athu a mahimo otene “muthaka wapama onlabela masaka otene”.—Ovuh 14:6.

NINAKOSE DHAVI:

• Osakulege Malebo anoniwe wi anela wakamihedha mwawakwana mwene athu a mmuruddani mwawo. Osakulege vina makani ohirutxa ononeliwamowa, obe ologege makani anoniwe wi bofuneya vaddiddi. Nlebo gani ninfunetxa athu a mmuruddani mwawo? Ehikalawo epadduwile mmuruddanimwa ehinathi odduwaliwa na anamuralaya? Muselu gani onfwanyelimi ologa na mulobwana obe na muyana?

• Ogafiya va mwanamurala ohinathi ologa orome omulejela na elemelelo enlejeliwana mmuruddani mwawo.—2Kor 6:3, 4

• Oziwe olabana manivuru otene a mmalaleyoni vina na vidiyudha dha Muthumbini Mwehu mwa Vipano Dhosunzihana

• Okose Download mavidiyu obe manivuru a elogelo ya athu anafwanya weyo mmuruddani mwawo

• Ogalaleyaga wang’anege ekalelo ya mwanamurala mmodha-mmodha. (1Kor 9:19-23) Ninga yotagiha, txini egalogilewi vatakulu va mwanamurala onziwewi wi ohikweliwa mwanamudhi waye mwari mwa malabo mang’onovi mundduni?

KOONA VIDIYU, OGAMALA WAKULE MAVUZO ANFWARELA:

• Txini eromile ologa namalaleya wi etena makani na mwanamurala?

• Txini yampadduwela mwanamurala?

• Nlebo gani nanfwanyelela mwanamurala oddule, vina sabwaya jani?

• Txini enkosagiwe wi osaddulele makani a omulaleyana muthu mmodha-mmodha oninfwanya weyo mmuruddani mwawo?