Ogakala Mmabasani a Olaleya Ologe Mwaha wa Dhilobo Dhimpadduwa Nsaka Nenentto

Mmabasani aye a olaleya, Yezu wanloga dhilobo dhapadduwa nsaka nenenttile. (Lk 13:1-5) Enowodheya weyo vina olabihedha dhimpadduwa nsaka nttino wi oddiginye mirima dha attu ogalogaga sabwa ya miselu dha Omwene. Ogamala ologe sabwa ya dhifoyo, owana-wana wa malogo obe makattamiho makattamihovi ampadduwa mmruddani munlaleyiwe vina okose nivuzo ninamutukulele mwanamurala okana efunelo ya wiwa yowakulaya. Onvuze dhahi: “Wahiromaga wubuwela wila makattamiho aba otene anele ogoma . . . ?” Akala pumwenemo “Dhavi . . . ?” Vasogorova, kamulagihe versu ya Bibilia eniwanana na makaniya. Akala muttuya ohitonyihedha efunelo omukumbirhe wi one vidiyu obe publikasau eli Mutumbini mwehu mwa Dhipano Dhosunzihana. Iyo ninovilibihedha wi niddiginye mirima dha attu mmurudani munlaleyihu “sabwa ya miselu dhapama.”—1Kor 9:22, 23.

Makani gani anazivele attu mmuruddani mumlaleyiwe?