OVILIBIHEDHE MMABASANI A OLALEYA | KATTABA NA MABASA A WAKOSA ANAMAFWARA
Orumela Nikamihedho na Abale Anlaba Mumodhani na Iyo
Wi Yehova anikamihedhe, ononivaha ‘amudhihu ali mwilaboni,’ abali na arogora. (1Ped 5:9) Awene anonikamihedha opemberha makattamiho mmabasani a olaleya na mukalelo wa deretu. Motagiha murumiwi Paulo wahipurelamo nikamihedho nanvahile Ákila na Prisila, Sila, Timóteo na ena.—Mer 18:1-5.
Akwihu omabasani ananikamihedhe dhavi mmabasani a olaleya? Awene anonivaha malago annikamihedha wakula mavuzo, wawiyelela anamurala, obe oroma nsunzo vina weddiha nsunzo. Kamubuwele muttu wa mmulogoni mwawo agauvahile nikamihedho ninfuniwe vina weyo bugamukosela yakakene. Mohaganyedha moheli munele opurelamo vina munele wagalala.—Fil 1:25.
KOONA VIDIYU KATTABA NA MABASA A WAKOSA ANAMAFWARA—KARUMELA NIKAMIHEDHO NA YEHOVA—ABALI EHU, OGAMALA WAKULE MAVUZO ANFWARELA:
Neta omulibihile dhavi Jade wi arome odhowa wona matugumano?
Ninfwanyelelani omuwoba namalaleya mwina wi akale vansunzoni na Bibilia?
Enofuneya mudhidhi wi mulogo omukamihedhe namasunza okala namafwara
Elobo gani yaziveliwa Abigayili na Jade?
Ewodhelo gani a mabasa olaleya enadhe wakamihedha akwehu?