Kaasunzihe Attu Ena Wila Elabo Eswa Yottugareya Eli Vakuvi!

Mweri wa Novemburu, ninele ovilibihedha olaleya miselu dhapama dhinoniha wi elabo eswa eli vakuvi. (Masal 37:10, 11; Ovuh 21:3-5) Okose masasanyedho wila owodhe okalavo mmabasani aba a vawoka. Ogafuna olaba ninga pionero wokamihedha mweri obu, enowodheya osakula okosa mawora 30- obe 50.

Kasasanyedha nlebo ninga sabwa ya elabo eswa wila walaleyena attu enjene egawodheya. Ogavisasanyedhaga osakule nlebo ninaddiginye murima dha attu a mirudda dhinlaleyiwe. Muttuya agatonyihedha efunelo labo noroma, onvahe Mwag’aneli numeru 2 wa 2021 (wolaleyana). Okose guru wila omwiyelele muttuya momaguva vina orome nsunzo na Bibilia na brochura Kajavo Egumi Yamukalakala! Mwebaribari enele okala elobo yowagalaliha walaleyela attu sabwa ya “elabo eswa yottugareya eli vakuvi”!—Iza 52:7.

KOONA VIDIYU ELABO ESWA ENELE OFIYA OGAMALA WAKULE MAVUZO ANFWARELA:

• Dhilobo gani dha musogorho dhinubuwela mwana wa muyana olagihiwe mvidiyuni?

• Mapikirelo gani anjedheliwe vaddiddi wakwanihedheya mwilaboni eswa?

• Otanalela mawaha wa njedhelo niniwe na musogorho enele wukamihedha ovisasanyedhela mabasa a olaleya anakosiwe mweri wa Novemburu?—Lk 6:45