Osunze na Efunelo ya Ologa na Ena Ejile Esunziliwe

Omusunza Bibilia enonilibiha, mbwenyi nigaloga na ena mwaha wa esile dhisunzilihu vina dhinnikamihedha okala wofiyedheya na Yehova, ninoliba vopitta. Gano 11:25 onologa: Ole onalibiha ena, onele olibihiwa vina.

Nigaloga na ena mwaha wa esile dhinsunzihu, iyo ninele owodha wubuwela dhilobo dhisunzilihu vina wenjedhedha eziwelo yehu. Ottiya ejo ologa na ena esile dhinsunzihu, enonivaha wagalala sabwani ninoziwa wi masunziho aba anodhaga wakamihedha.—Mer. 20:35.

Katagiha eji: Sumana ejo endawo, katamela gari wi ologe na muttu mwaha wa esile dhisunziliwe. Enowodheya okosa ejuwene na munammudhi wawo, muttu mmodha mmulogoni, mukwawo w’o mabasani obe w’oskola, mwanamwanddamani wawo obe muttu-muttuvi onanfwanyiwe mmalaleyoni. Katagiha omwaddela museluya na mukalelo wovevuwa vina olabihedhaga mazu awo.

Kudduwale: Ologe mwaha wa esile dhinsunziwe na efunelo ya walibiha ena, ottiya sabwa ya ofuna osibiwa.—1 Ko. 8:1.