Anamoona a Yehova Ankoddelani Olabihedha Mwigimanyo?

Attu enjene anubuwela wi mwigimanyo ezinddiyelo ya Akristu otene. Masiki Anamoona a Yehova akalaga Akristu, awene kanlabihedha mwigimanyo. Sabwaya?

Mwaha modha bwawi Bibilia kansunziha wi Yezu okomeliwe va mwigimanyoni mbwenye vapingirizini obe vamurini. Ottiya ejo, Bibilia onologa sohipipiriha wi Akristu anofwanyela “orabela webedha maladdaniho,” eji entapulela ohilabihedha mwigimanyo muwebedhani.​—1 Korinto 10:14; 1 Joau 5:​21.

Koona mazu alogile Yezu: “Mugakwelanaga attu otene anoziwa wi muli anamasunza aga.” (Joau 13:34, 35) Na mazu aba, Yezu ohisunziha wi egazinddiyelihile anamafwara aye ogaali okwelana webaribari, ottiya mwigimanyo obe maladdaniho mena.