Yehova Onakwela Athu Oyesa

‘Onawege mada. Okoddelihege omagononi wawo. Oselege vatakulu vawo. Orayilege zungu.’ Amambali enjene anowasunziha aniwa mukalelo wovikoddeliha. Mbwenye, witile magano aba a oyesa ddi Mulugu wehu wokoddela-koddela. (Obud 30:18-20; Oleb 23:14; 2Kor 7:1) Iyo nigavilibihedhaga okoddeliha maningo ehu na dhotedhene dhinehu, ninomuthithimiha Yehova. (1Ped 1:14-16) Ki numbehu na vatakuluvehuva? Akalawo athu ahina oyesa, awene anofiyedha ovokela zungu murampani, mbwenye Mukristu onofanyela othiyana na athu aba. (Masal 115:16; Ovuh 11:18) Masiki dhikale dhilobo dhing’onovi, ninga oponyedha nikaba na nifugi mudila, malanta, obe makaba a mihale; akala ninowira dhahene, ninotakaliha ekalelo yehu y’ofuna okala athu okoddela. Mwigumini mwehu mwetemwene ninofuniwana “weddanamo ekalelo ya anamalaba a Mulugu.”—2Kor 6:3, 4.

KOONA VIDIYU MULUGU ONAKWELA ATHU OYESA, OGAMALA WAKULE MAVUZO ABA:

• Marabwa gani anlogetxa athu sabwa yokodda ovikoddeliha?

• Malamulo a Mizé anoniha dhavi wi Yeova, Mulugu woyesa?

• Iyo ninawodhe dhavi wawoniha athu wi Yehova ddoyesa?