Mabasa Olaleya Anfuna Okosiwa Mweri wa Novemburu wila Nivuwihe Omwene wa Mulugu

Yezu wahivuwiha ‘miselu dhapama dha Omwene wa Mulugu.’ (Lk 4:43) Iyene vina wahasunziha attu wi alobelelege Omwene wa Mulugu. (Mt 6:9, 10) Mwari mwa mweri wa Novemburu, ninele okana mabasa olaleya wila nilaleye Omwene wa Mulugu. (Mt 24:14) Kakosa masasanyedho awo wila okamihedhe mabasa aba. Abali otene anfuna olaba ninga pionero wokamihedha onosakula akala anfuna apitxe mawora 30- obe 50-mwari mwa mweri obu.

Kavilibihedhe walagiha attu enjene a mmuruddani mwawo obe munlaleyiwe malebo anloga mwaha wa Omwene wa Mulugu. Ogasakulaga nlebona, watanalelege abale ana relijiau yottiyana na yehu. Muttu-muttuvi agoniha efunelo mudhidhi onimulaleyiwe, onvahe Mwang’aneli N°. 2 2020. Egawodheya omwiyelele labo nina, agalagihavi efunelo murome nsunzo na Bibiliya olabihedhaga manivuru ali Muttumbini Mwehu Mwa Dhipano Dhosunzihana. Kuttukule mudhidhi mwinjene ologaga wila Omwene wa Mulugu onele watolotxa alamuleli otene annifwara-fwara. (Dan 2:44; 1Kor 15:24, 25) Ottiya ejuwene, ninofwanyela opura mudhidhi obu wila nonihe omwiwelela wehu Yehova na Omwene waye!