Karta ya Nikuru Nolamulela

“Nyuwo muromilé wale, ddabuno mugali anamasunziha.” (Aheb. 5:12) Kobuwela! Yehova—dduli Namasunziha munddimuwa, ddabuno—ononoba wi nisunzihege sabwa yaye! Ottomeliwa osunziha ebaribari ya Yehova—vamuralani, mmulogoni obe mmabasani a olaleya—ettomo enddimuwa ya vawoka. Kito niwodhe dhavi okala anamasunziha aderetu?

Yowakulaya enfwanyeya mwari mwa mazu a murumiwi Paulo amulebeliye Timóteo eraga: “Vilevelé wawengesela athu Bibilia, wasunziha.” Ohenjedhedhavo: “Dhisunzihiwé kalelá ntidi esidhá, dhahene onovivuna weyo, vina abale anuvuruwana.” (1 Tim. 4:13, 16) Weyo onttukula miselu dhinvuna dhigumi dha attu. Wengesa na osunziha mabasa ana ttima enddimuwa. Brochura ntti nisasanyedhiwe wi nukamihe na makoseloya. Koona nikamihedho ninfwanyeyamo.

Nikuku-nikuku nihikaana nlebo na Bibilia ninkamihedha nsunzona vina ninovaha mulabihedhoya

Yehova ddi ‘Namasunziha Munddimuwa.’ (Iza. 30:20) Brochura ntti nisasanyedhiwe nukamihedhe okala namasunziha waderetu, mbwenye kudduwale wi Yehova ddi nipara na miselu dhehu vowi ddiyene onwodha okwekwetta mirima dha attu. (Jo. 6:44) Noona, olobelege okumbirhaga nikamihedho na muya waye wokoddela. Olabihedhege Nzu naye, Bibilia. Wakamihedhe attu omuziwa Yehova. Enfuneyetxa ja wakamihedha attuya omukwela Yehova na murima wotene.

Onowobiwa wi okose elobo enwodheya okosiwa na attu, wasunziha ena ebaribari ya Yehova. Odhowevi okuluvelaga ‘Guru dha Yehova,’ mohaganyedha onele okala namasunziha wattotto.—1 Ped. 4:11.

Anamasunziha akwawo,

Nikuru Nolamulela na Anamoona a Yehova