Ologa S’ohipipiriha

Elobo Gani Ekosile Yezu?

VIDIYU: Yezu Onomulaga Muzombwe wa Mureli

1. Koona VIDIYU, obe wengese Marko 10:​17-22. Ogamala otanalele mavuzo aba:

1. Mikalelo gani dhapama dhamonilena Yezu muzombwe wa mureli?

2. Yafuneyela nni Yezu olagiha okwela vina oliba murima wi amulage mulobwana oddule?

Ejile Ekosile Yezu Ennisunziha Nni?

2. Wi niwodhe wakamihedha anamasunza ehu wunuwa mpaddi womuyani, ninofwanyela ologa na okwela nihipipirihaga makaniya.

Omutagihe Yezu

3. Omukamihedhe namasunza wawo wi akane vina akwanihedhe dhogana.

1. Kalabihedha kwadru “Yogana” enfwanyeya omagomo wa nsunzo-nsunzo na nivuru Kajavo Egumi Yamukalakala!

2. Kamukamihedhe namasunza wawo ozinddiyela ttarho gani dhinfwanyeliye ottukula wi akwanihedhe dhogana dhaye dha mudhidhi mung’onovi obe dha mudhidhi mwinjene.

3. Kamutamalele namasunza wawo sabwa ya guru enkosiye wi onuwe mpaddi womuyani.

4. Ozinddiyele makattamiho gani aninbarela wunuwa mpaddi womuyani vina omukamihedhe okwaranya makattamihoya.

1. Kavivuze:

   • ‘Txini eninbarela namasunzaga ohibatiziwa?’

   • ‘Txini enfwanyela miyo okosa wi ddimukamihedhe?’

2. Kamukumbirhe Yehova oliba murima wi owodhe ologa nokwela na namasunza wawo s’ohipipirihaga makaniya.

5. Ottiye weddiha nsunzo nihindowa osogorho.

1. Wi oziwe wila nsunzo nawo ninodhowa vasogorho ovivuze:

   • ‘Namasunza waga onovirihamo ejile ensunziye?’

   • ‘Iyene onowona matugumano vina onologa na attu ena esile dhinsunziye?’

   • ‘Mmaliliye omusunza Bibilia mwari mwa mudhidhi mwinjene onofuna okala munamoona wa Yehova?’

2. Akala namasunza onolagiha wi kanfuna wunuwa mpaddi womuyani:

   • Kamukumbirhe wi atanalele txini enimurutxiha wunuwa mpaddi womuyani.

   • Na mukalelo wa pama kamutapulelemo, enukosiha otximiha nsunzona.

   • Kamwaddele dhilobo gani dhinfwanyeleliye okosa wi eyelele osunza.