Txini Enfwanyeliwe Okosa wi Owodhe Omwengesa Bibilia Malabo Otene?

Sabwa ya okana dhilobo dhinji dhokosa, masaka mena onorutxiwaga omwengesa Bibilia malabo otene? (Jos. 1:8) Akala jijuwene, katagiha ofwara monelo dhinfwarela:

• Omuligari alarmi. Okosa eji enele wukamihedha wubuwela mudhidhi wa omwengesa Bibilia.

• Omuttiye Bibilia wawo mburo onawodhege weyo omoona. Akala onimulabihedha Bibilia wopidiwa, omuttiyege mburo onawodhege weyo omoona malabo otene.—Oli. 11:18.

• Onvuruwanege audiyu ogaravariwa. Ovuruwanege audiyu dha mBibiliani oku bugakosa mabasa awo a labo na labo. Tara, oli pionera vina oli mambali onlaba na mattiyu, ohiloga dhahi: “Ovuruwana audiyu dha mBibiliani mudhidhi onkosimi mabasa aga a siku na siku enoddikamihedha ohijombela omwengesa Bibilia.”

• Kuwiyelele mundduni. Akala ekalawo elobo ezuzumihile matadelo awo, kavilibihedhe wengesa maversu mang’onovi a mBibiliani ohinadhowa ogona. Omwengesa Bibilia malabo otene, masiki mudhidhi mung’onovi, enele wukamihedha.—1 Pe. 2:2.