Kutalatala Chika Chiliko Hakutwala Kuli Waze Hanafu?

Yetu eswe mutwiza kafwa. Alioze, shina kufwa chili songo lia yuma yeswe? Shina afu hanaavulama? Shina kuli chimwe kutalatala hakutwala kuli afu?

TUTALENU YIZE MBIMBILIYA YAKULONGESA:

AFU KAAVULAMINE

“Waze eswe ali mu mafuka makevwa liji lienyi, makatuhuka.”—Yoano 5:28, 29.

Zambi kakwiwuluka afu; waze ali mu manyonga jenyi kumakahinduka.

MUKUKAPWA UHINDUKILO WA AFU HANO HASHI

“Kumukukapwa uhindukilo wa akwa ululi ni wa yihenge.”—Yilinga 24:15.

Atu anji waze hanafu, kumakaahindwisa hanga akatwame cheka ni sambukila ku miaka yeswe hano hashi.

KUTALATALA CHA UHINDUKILO WA AFU CHILI CHAMWENEMWENE

“[Zambi] kakwalula matongonoshi. Kakwalula eswe majina jo.”—Samu 147:4.

Nyi Zambi kakuhasa kuvuluka tutongonoshi eswe ha majina jo, chekwamba, iye mahasa kwiwuluka atu eswe waze makahindwisa mu ufwe.