Kuwahisa Uhashi Wetu wa Kwambujola—Hakufuna ni Kumeneka

MUMU LIAKA CHILI CHILEMU: Atu anji waze akuzanga sango ja Wanangana kanafupa umwenemwene hakutwala kuli Zambi. (Iza 55:6) Mba tuhase kwaalongesa kanawa umwenemwene, twatamba kufuna ni kwameneka cheka. Atu kakumona kapinda munji, kashika twatela kwakwasa mu majila alisa. Chikwo nawa, mutuhasa kwakwasa kanawa nyi mutulilulieka ni kunyingika chitela cha mumu liaka twakufuna ni kumeneka atu jacho, che kwamba kuputuka no longeso lia Mbimbiliya.

CHIZE TWATAMBA KULINGA:

• Sako tachi hanga ufune kawashi-washi, kanda ushimbula chinji.—Mat 13:19

• Wahilila nenyi nawa muse vumbi. Lihumikize

• Mumeneke ni chiseke. Musanyike ha jina lienyi. Mwiwulwise anyingike mumu liaka wafuna, hanji kukumbulula yihula yenyi, munehene umwe mukanda, musolwele site yetu, ni chinema, nawa mulweze chize akulinga longeso lia Mbimbiliya. Alumuna nyonga lie nyi mahanjika chikuma cheka.—Fwp 2:4

• Hinjila meya ha mbuto yize unakatumba mu mbunge yenyi ha kutanga nenyi Chisoneko, hanji kumuhichikila umwe mukanda. (1Ko 3:6) Eseka kupwa sepa lienyi

• Hichika chikuma chize munukashimutwina muze munukahilukako nawa