Shina Muhasa Kushimbwila Yuma Yipema ha Mwaka 2024?—Yika Mbimbiliya Yakulongesa?

Atu anji keshi kushimbwila yuma yipema ha mwaka 2024. Alioze yetu mutuhasa kushimbwila yuma yipema kulutwe. Kuchi muchihasa kulingiwa?

Mbimbiliya yakutwaha kutalatala cha yuma yipema

Mbimbiliya yakulakenya ngwo, Zambi makahwisa lamba lieswe tunamono musono lize liakututwala tuhone kutalatala. Kwasala hakehe, Zambi “makakusumuna masoji eswe ku meso [jetu], kufwa kuchichi kapwako nawa, kukuchi kapwa nawa kunenganyana, chipwe miteto, chipwe yikola, ka.”—Usolwelo 21:4.

• Mba unyingike kanawa yilakenyo ya kulutwe lia matangwa, tanga chikuma, “Você Pode Acreditar num Futuro Melhor.”

Chize Mbimbiliya muyihasa kukukwasa haliapwila

Kutalatala chize twakuwana mu Mbimbiliya muchihasa kutukwasa hanga twehuke manyonga api ni kupwa ni nyonga lialita. (A-Roma 15:13) Chikwo nawa, mu Mbimbiliya muli yiyulo yipema yize muyihasa kukukwasa kukumba yipikalo yize unapalika musono, ngwe uswale, upi uze anakulingi kuli atu akwo ni misongo.

• Tala chize kutalatala cha mu Mbimbiliya chakwashile umwe lunga kupwa ni sambukila ni uwahililo, chipwe ngwe mu usoko wo kapwile yiswale. Tala chinema, Juan Pablo Zermeño: Yehova Kangwaha Mwono Upema.

• Tala chize Mbimbiliya muyihasa kukukwasa kukumba yinyengo, kusakalala, yikola ya kufwisa mutu ni manyonga akulihisa yena mwene. Tanga chikuma, “Posso Encontrar Palavras de Consolo na Bíblia?”

• Tala chize umwe pwo yoze wapwile swalale, nawa “walipwishile mutu mukalu yoze te keshi kulihulumba hali mutu niumwe” awanyine kutalatala mumu lia kulilongesa Mbimbiliya. Tala chinema, Deixei as Armas para Trás.

Shina unazange hanga mwaka wa 2024 upwe mwaka upema kuli yena ni kuli asoko je? Nyi chocho, eta longeso lietu lia Mbimbiliya liawana hanga umone chize Mbimbiliya muyihasa kukukwasa ha chikuma chino. Fupa kunyingika chize Zambi mahasa kukwaha sambukila haliapwila ni kukwaha “kutalatala [chipema cha] yuma ya kulutwe.”—Jeremia 29:11.