Apalahama ni Sara Yononokena Zambi

Hakamwihi ni Mbapele, kwapwile yimwe mbonge yize te avuluka ngwo, Ure. Atu jamo te keshi kuwayila Yehova, te kakuwayila tuzambi anji a mahuza. Chipwe chocho, mu Ure mwapwile umwe lunga yoze te wakuwayila wika Yehova. Jina lienyi te Apalahama.

Yehova yalweza Apalahama ngwenyi: ‘Hichika zuwo lie, ni asoko je, hanga uye ku chifuchi kuze mungukulweza.’ Chocho, Zambi yamulakenya ngwenyi: ‘Mungukakupwisa vungu linene, muli yena mungukalinga yuma yipema kuli atu anji a hashi heswe.’

Apalahama kakanyingikine kuze te Yehova anamutuma, alioze aye yajikijila muli Yehova. Chocho, Apalahama ni mukwo-pwo Sara, ni tato Tera, ni muhwawenyi Lote ni vumbi lieswe yanda yuma yo yaputuka kulinga wenyi.

Apalahama kapwile ni miaka 75 muze iye ni usoko wenyi ahetele ku chifuchi chize Yehova aatumine. Chifuchi chacho te kachivuluka ngwo chifuchi cha Kanana. Koko Zambi yahanjika ni Apalahama ni kumwaha chilakenyo ngwenyi: ‘Chifuchi chino cheswe unamono, mungukachihana kuli munyachi we.’ Alioze Apalahama ni Sara te hapwa kulu tushinakaji, nawa te keshi ni mwana niumwe. Mba kuchi te Yehova mamanununa chilakenyo chenyi??