Tulembelenu Mandumbu Waze Ali mu Yihungumiona

Mbimbiliya yambile ngwo Satana te matuhungumiona hanga eseke kukwika mulimo wetu wakwambujola. (Yoa. 15:20; Uso. 12:17) Kuchi mutuhasa kukwasa mandumbu jetu waze anamono yihungumiona mu yifuchi yikwo? Mutuhasa kwalembela. “Kuliumba cha mukwa ululi chili ni tachi jinji ha kulinga chocho.”​—Tia. 5:16.

Ha yika mutuhasa kulemba? Mutuhasa kwita kuli Yehova hanga ahane tachi kuli mandumbu jetu hanga apwe ni hamu chakuhona kwivwa woma. (Iza. 41:10-13) Mutuhasa kulemba nawa hakutwala kuli manguvulu hanga ahone kupinjisa mulimo wa kwambujola, “hanga tukatwame nikuhwima ni sambukila.”—1 Timo. 2:1, 2.

Muze Paulu ni Petulu ahungumionene, akwa-Kristu ku sekulu yitangu, kalembele hali ayo. (Yili. 12:5; Roma 15:30, 31) Chipwe ngwe kutwanyingikine majina ja mandumbu eswe waze ali mu yihungumiona musono, nihindu mutuhasa kuvuluka yikungulwila yo ni yifuchi hanji ku chihela kuze ali.

Ngunazange kulembela mandumbu waze anahungumiona mu yifuchi yino.