“Hashi Hapakwile Kanwa Liaho Haminyine Mihwiji”

Chize ku mashimbu akunyima manguvulu kakukwasa atu ja Yehova. (Ezr 6:1-12; Es 8:10-13) Chipwe musono, twakumona chize “hashi,” che kwamba, manguvulu a hano hashi anahwisa “mihwiji,” ye yihungumiona yize “Ndragau,” Satana Ndiapu akuneha. (Uso 12:16) Yehova “Zambi ya kupulula” mahasa kukwata ku mbunge ya manguvulu hanga akwase atu jenyi.—Sam 68:20; Yis 21:1.

Yika mulinga nyi makusa mu zuwo lia ususu mumu lia ufulielo we? Nyingika ngwe, Yehova kechi kukwecha ukawe. (Upu 39:21-23; Sam 105:17-20) Makuwahisa ha ufulielo we, nawa chilweza che chipema muchikolweza mandumbu a hashi heswe.—Fwp 1:12-14; Uso 2:10.

TALENU CHINEMA CHAKWAMBA NGWO, MANDUMBU A KU COREIA KAATUSULA MU ZUWO LIA USUSU, MBA NUKUMBULULE YIHULA YINO:

• Mumu liaka mandumbu anji ku Koreia do Sul akwasa mu zuwo lia ususu?

• Chiyulo chika akwa-chota akwachile, mba atusule mandumbu jetu chipwe ngwe mashimbu jo akwatusula te kanda achikumbana?

• Kuchi mutuhasa kukwasa mandumbu jetu waze ali mu mazuwo a ususu mumu lia ufulielo wo?

• Yika twatamba kulinga shimbu tuchili ni utuswilo musono?

• Iya wakutukwasa mba tukumbe mu yota ya usopelo?