YIKUMA YILEMU YA MU LIJI LIA ZAMBI | UPUTUKILO 15-17

Mumu Liaka Yehova Alumwine Jina lia Apalama ni Serai?

Yehova kamwene Apalama ngwe mutu yoze keshi kapalia kumeso Jenyi. Muze alumbunwine kanawa chilakenyo chenyi kuli Apalama, iye yaluka Apalama ni Serai majina waze ali ni ulumbunwiso wa uprofeto.

Ayo yashishika ha majina jo, Apalahama yapwa tato ya mavungu anji, Sara yapwa semi ya mianangana.

Apalahama

Tato ya mavungu anji
Sara

Mwana pwo wa mwanangana

Yizulie: Umwe pangi kanalikolweza hanga akole ku ufulielo. 1. Kanamupapachisa. 2. Kanalingi chihanda ha kukunguluka cha ha kachi ka poso. 3. Kanasolola chinema kuli umwe pwo muze ali mu munda.

Muze twakusemuka, kutushi kuhasa kusakula jina lize matuluka. Alioze ngwe Apalahama ni Sara, ni yetu mutuhasa kupwa ni lufuma mupema. Lihule ngwe:

‘Kuchi munguhasa kupwa mutu yoze keshi kapalia kumeso ja Yehova?’
‘Lufuma muka nguli nenyi kumeso ja Yehova?’