UTULIKILO WA MIKANDA HA INTERNET wa Watchtower
Watchtower
UTULIKILO WA MIKANDA HA INTERNET
Chokwe
  • MBIMBILIYA
  • MIKANDA
  • KUKUNGULUKA
Mikanda ya Chokwe (2008-2026)
Fwambuka
Njila
UTULIKILO WA MIKANDA HA INTERNET wa Watchtower
Watchtower
UTULIKILO WA MIKANDA HA INTERNET
Tambwoka.
Site yino muli yikuma ni mikanda yinji yakulumbununa mu malimi anji kuli Yela ja Yehova.
Nyi muzanga kuchiza mikanda, lisesa yako ha site jw.org.
Mutambi
Kawezelako malimi aha: Betsimisaraka (Northern), Betsimisaraka (Southern), Konkomba, Matses, Mi'kmaq
  • Musono

Liamaali, 21 Outubro

Yoze manyongonona ndo ku songo, makamulamwina.—Mateu 24:13.

Nyonga ha yiwape yize yakwiza ku kulihumikiza. Mutu yoze wakulihumikiza kakuwahilila ni kuhwima mbunge. Chikwo nawa, uhumikizo muhasa kutukwika ku misongo yinji. Kulihumikiza chakutukwasa kupwa ni usepa upema ni akwetu ni kutwama no kanawa. Kulihumikiza chakukwasa nawa chikungulwila chetu chilinunge. Nyi umwe matusosomba; twakulengulula yuma yacho hanga twehuke mbwanja. (Samu 37:8; Yishi. 14:29) Chahiana ulemu, twakwimbulula Yehova ni kukolesa usepa wetu ni iye. Chochene, uhumikizo uli chitanga chipema chize chakutuyukisa yetu eswe! Chipwe ngwe hi chashi ko kusolola uhumikizo, alioze ni ukwaso wa Yehova mutuhasa kununga ni kusa tachi hanga tusolole chitanga chino. Chikwo nawa, nyi mutushimbwila chifuchi chaha ni uhumikizo, mutuhasa kupwa ni shindakenyo ngwetu, “liso lia Yehova kuliakutala, kuli waze akumuvwila woma ni waze akutwaminyina utu wa zango lienyi.” (Samu 33:18) Kashika, muchilita kununga ni kusolola uhumikizo. w23.08 25 ¶16-17

Kuhengwola Yisoneko Tangwa ha Tangwa—2025

Liamatatu, 22 Outubro

Ufulielo ukawawo, nyi kuushi yitanga, kuunafu.—Tia. 2:17.

Tiangu yasolola ngwenyi, lunga wacho kapwile ni kwamba ngwenyi, kali ni ufulielo, alioze yize alingile yasolwele ngwo, kali chilembekese mumu yuma yacho te kuyishi kulita ni yize akwamba. (Tia. 2:1-5, 9) Tiangu yahanjika nawa hali umwe ndumbu wa lunga hanji wa pwo yoze keshi ni mazalo hanji kulia chinakumbana ha tangwa. Alioze, mutu yoze unamumono kechi kulinga nichimwe hanga amukwase. Chipwe ngwe mutu wacho kali ni ufulielo, alioze yitanga yenyi muyisolola ngwo keshi nawo. (Tia. 2:14-16) Tiangu yahanjika hali Rahape ngwe chilweza chipema cha mutu yoze ukwete ufulielo ni kuusolola mu yitanga. (Tia. 2:25, 26) Rahape kevwile hakutwala kuli Yehova ni kunyingika ngwo, iye te kanakwase A-Izalele. (Yoshu. 2:9-11) Hachino, iye yasolola ufulielo kupalikila mu yitanga ha kufunga ngendeshi aali A-Izalele waze te ali mu ponde. Kashika, pwo yono chihenge yoze te hi Ka-Izalele ko, yamutongola ngwe mukwa-ululi ngwe chizechene Zambi atongwele Apalahama ngwenyi mukwa-ululi. Chilweza cha Rahape chinatulongesa ngwo, ufulielo wetu watamba kusoloka mu yitanga hi mu kanwa wika ko. w23.12 5-6 ¶12-13

Kuhengwola Yisoneko Tangwa ha Tangwa—2025

Liamawana, 23 Outubro

Kumunukamana nguu ngwe chizechene mutondo unene wakutanda miji.—Efwe. 3:17.

Yetu Akwa-Kristu kutwatambile wika kulilongesa yikuma yitangu ya maliji a mu Mbimbiliya. Nyi ukwaso wa spiritu yisandu ya Yehova, tunazange kunyingika kanawa “chipwe yuma yikalu ya mana ja Zambi.” (1 Kori. 2:9, 10) Nyi muchilita, putuka limwe longeso lia wika lize mulikukwasa kukundama chinji kuli Yehova. Chakutalilaho, muhasa kuputuka kuhengwola chize Yehova asolwelele tuvumbi twenyi a ku shakulu zango, ni chize chino chakusolola ngwo ni yena kakukuzanga. Muhasa nawa kulilongesa chize uwayilo wa Yehova apwile ni kuululieka ha mashimbu ja A-Izalele, ni chize Yehova anazange hanga tumuwayile musono. Hanji muhasa kulilongesa chinji uprofeto uze Yesu amanunwine muze apwile hano hashi. Muhasa kuwaha yuma yimwe yize ayo ambile ha mushete unambe ngwo: “Yikuma Yize Muhasa Kulilongesa ha Longeso lia Wika.” Muhasa kuzachisa Indice ya mikanda yetu hanga ulilongese, hanji Chikwata cha Yela ja Yehova cha Kuhengwola Nacho. Nyi wachilinga, mumona ngwe kuzachisa yikwata yino chakupemesa chinji longeso. Kulilongesa Mbimbiliya mu mutapu au, muchihasa kukukwasa kukolesa ufulielo we ni “kuwana chinyingi cha Zambi.”—Yishi. 2:4, 5. w23.10 19 ¶3-5

Kuhengwola Yisoneko Tangwa ha Tangwa—2025
Tambwoka.
Site yino muli yikuma ni mikanda yinji yakulumbununa mu malimi anji kuli Yela ja Yehova.
Nyi muzanga kuchiza mikanda, lisesa yako ha site jw.org.
  • Chokwe
  • Tuma
  • Kululieka
  • Copyright © 2025 Watch Tower Bible and Tract Society of Pennsylvania
  • Shimbi Yakuyizachisa
  • Shimbi ja Kufunga Sango ja Mutu
  • Configurações de Privacidade
  • JW.ORG
  • Njila
Tuma