Kuwahisa Uhashi Wetu wa Kwambujola—Kwasa Atu Waze Anazange Kupwa Tumbaji a Yesu

MUMU LIAKA CHILI CHILEMU: Yehova kakutatwisa mbuto ya mwenemwene mu mbunge ja atu ‘waze eswe anazange mwono wa mutolo.’ (Yi 13:48 NM; 1Ko 3:7) Twakukalakala hamwe ni iye, ha kulikolweza chinji mu munda hanga tukwase atu waze akukaula yize akulilongesa. (1Ko 9:26) Alonge ja Mbimbiliya katamba kunyingika ngwo, mba akaalamwine katamba kwaapapachisa. (1Pe 3:21) Twakwakwasa hanga apwe tumbaji ha kwaalongesa kwalumuna yimwe ku mwono wo, mba ambujole sango jipema ni kulihana kuli Yehova.—Mat 28:19, 20.

CHIZE TWATAMBA KULINGA:

• Eulula alongi je a Mbimbiliya ngwe, chikuma chilemu cha mumu liaka analilongesa chili kwakwasa ‘anyingike Yehova’ ni kulinga yize muyimupemena.—Yo 17:3

• Kwakwasa hanga akole ku spiritu ni kukumba yikwiko, ngwe ndako jipi ni masepa api

• Kwaatakamisa ni kwaakolweza shimbu kanda achaapapachisa ni muze haapapachisa.—Yi 14:22

TALENU CHINEMA CHINAMBE NGWO, YEHOVA ZAMBI MAKUKWASA, MBA NUKUMBULULE YIHULA YILI MUSHI:

• Yika muyihasa kwivwisa mutu woma wa kumupapachisa?

• Kuchi makulwana a mu chikungulwila mahasa kukwasa longi wa Mbimbiliya kusenya kulutwe?

• Yika mukanda wa Izaia 41:10 unatulongesa hakutwala kuli Yehova?

• Ndako yika yize muyihasa kutukwasa kuwayila Yehova mu jila yalita, chipwe ngwe tuli yihenge?