Kuwahisa Uhashi Wetu wa Kwambujola—Kwambulwila Mutu Yoze Matayila mu Zuwo Chakuhona Kutuhuka Haze

MUMU LIAKA CHILI CHILEMU: Hamukunda wa tecnologia, ni kwoka cha ungalwe, atu kakuchina kutuhuka haze ahanjike ni mutu yoze kanyingikine. Kashika, mutuhasa kwivwa woma ha kwambulwila mutu yoze kutwahashile kumona. Yikuma yili mushi, muyihasa kutukwasa chinji twambujole kanawa kuli atu a mutapu au.

YIZE WATAMBA KULINGA:

• Pwako ni nyonga lialita. Atu anji waze akukumbulwila muchima lia mazuwo jo kakuzanga kuhanjika ni yetu

• Nyingika ngwo, kanji-kanji muze mutuheta ku zuwo lia mutu, mwenya-zuwo mahasa kutumona ni kwivwa yize tunashimutwina haze

• Muze mwenya-zuwo makumbulula, hanjika nenyi ngwe nunalimono meso ni meso. Muhasa kusehejela ni kuhanjika ngwe chize wakuhanjika mashimbu eswe. Mulweze yize waluliekanga ni kuhanjika ngwe unamono mutu wacho. Muze unahanjika, kanda ukundama chinji ku chikolo. Nyi mwenya-zuwo kasolo kukukumbulula, muhichike kwe

• Muze munuhwisa kuhanjika ni mwenya-zuwo, nyingika ngwe, mahasa kumona yesweyo mulinga ni kwivwa yize muwamba