Génesis
41 Mauɗeeɗabena, Esauba Jacob ãrĩãdu iadaa ɓeeɗa baɗa chi bendición chi akõreba ichimaa deaɗa baɗaɗeeba. Mauɗe Esaú ichi corazonɗe kʉ̃risiaɗa basia: “Mʉ akõre biuyu ara kaita kãrii. Chi jãu chuburiaɗebena pasaɗakare mʉ ãba Jacob beatayu”. 42 Rebecamaa nebʉrʉsiɗauɗe ichi warr nabena niiba asei kʉ̃risia ɓooɗa, ichia ara mauɗe iubisii ichi warr kaaɗebena Jacob maabea jarasii: “¡Ũriba! Bichi ãba Esauba beatayu kʉ̃risiamaa ɓua chi jãuɗebena paabiyua. 43 Mauɗeeba mʉ warr, aseba cha mʉa jaraburuu. Ara nakuɗe Haranɗaa miru wãba, mʉ ãba Labán niimaa. 44 Ichi ome ɓooyaba, bichi ãba oa kachirua koɓooɗa baɗa pasaburuuɗaa, 45 ichi kĩru koɓooɗa baɗa biʼia ɓeeruuɗaa ichi kʉ̃risiaɗebena aduaruuɗaa bichia aseɗa baɗa kakua. Maabea mʉa waya jara ɓʉʉyua neei baita. ¿Omea saka perdeiba ara aɓa ɓuu diaɗe?”. 46 Maabea Rebecaba jarasia Isaacmaa: “Het kaurãba ase panuu chi vivi nii iadaa paneeyua. Jãaɗakare Jacob kimabaraaburuubʉrã Het kaurã ome, wẽra ome cha nau druaɗebena kĩra, makarã ¿mʉ sakayua waaburu niba kʉ̃ria ɓua?”.