Génesis
28 Mauɗeeba Isaacba Jacob iupeɗa, bendecipeɗa maabea naka aseba jarasia: “Kimabaraabayua Canaán kaurãɗebena ome. 2 Padán-Aramɗaa wãba, Betuel deeɗaa, bichi nawe akõremaa, mama aria kimabaraaba Labán kaurãɗebena ome, mau bichi nawe ãbaa. 3 Chi Dios Joma Poder Ira Kuɓuuba bichi bendeciyua, bichi warrarã baraabipeɗa, bichi warrarã ãrĩãdu baraa ɓooyuua. Bichi biawãrabenadu bayua chi mechibena kuɓuu puuruɗebenarã. 4 Ichia chi bendición Abrahanɗe deayua, bichimaa mauɗe bichi warrarãa biɗa, bichidu ɓeeyua chi druaɗe jari ãibena kĩraka ɓuumarebena mauɗe chi jãu Diosba deaɗa baɗa Abrahanmaa”. 5 Maabea Isaac Jacob despedi bʉeɗa. Makarã Jacob Padán-Aramɗaa wãɗa baɗa, chi Labán ɓuumaa mau chi Betuel warr chi arameo. Ichi Rebeca ãba basia, nawe Jacob Esauɗe.