Génesis

39 Makarã, chi ismaelitarãba adoesiɗau José Egiptoɗaa. Jãma nedoɓuisiɗau chi mukĩra nii Egiptoɗebena chi trʉ̃ Potifarmaa, guardiaɗebena Faraonɗe mauɗe corteɗe traja nii baɗa. 2 Jeowa José baara ɓoosia. Maabea bi’ia wãsia, mauɗe ichi patronba, chi egipcio, deasii ichi de ochiayua. 3 Chi patronba kawaɗa baɗa Jeowa José baara ɓoosii mauɗe Jeowaba idarabiɗa baɗa Joseba joma bi’ia aseyua. 4 Potifarba bi’ia ochiasia José maabea ichi aidabarii babisii. Maabea Potifarba joma ichi de deapeɗa mauɗe ichi bara nibaɗa joma ochiabisii. 5 Joseba Potifar de traja koɓeesiɗe, Jeowaba chi egipcio de bi’ia ɓeesii Joseɗeeba. Jeowaba bi’ia deaɗa baɗa joma ichia ua niiɗebena deeɗe mauɗe joma druaɗebena baara. 6 Maaɗakare, Potifarba joma ichi de deapeɗa Josemaa. Akawa ichi preocupaabai basia joma unii baara, ichia ko kʉ̃ria nituru. Maaɗakare, José chaarea nibapeɗa mauɗe mipitaa nibaɗe wãsii. 7 Mauɗeeba chi kima ichi patronɗe ochiasii José maabea: “Mʉ baara kaĩ noɓee baɗa” asii. 8 Ichia makawẽema jaraɗa baɗa chi wẽra ichi patronɗemaa: “Kʉ̃risiaba, mʉ patrón preokupawẽe de baara mʉ iniiɗeeba, jãabea mʉa joma ochia nii ichia ua nii. 9 Wã’ãe ɓuu chi autoridad bara nii mʉ kĩraka cha nau deeɗe. Joma deabaria bichirawẽe, ichi wẽra bẽrã. Makarã ¿mʉa saka miadaa asei basaa mauɗe Dachi Akõre kiraiɗe kachirua aseyua?”. 10 Ewariiruucha brekaɗabasia ichia, mauɗeeba Joseba ijãawẽe basia ichi baara kaĩ noɓei baita maebʉrã ɓeeyua. 11 Ewari aɓa ɓuuɗe, ichi deeɗe eɗaa trajoɗaa wãsii wã’ãe basia chi servibadau edare. 12 Maabae ichia chi paruɗe jidaupeɗa jarasia: “¡Mʉ baara kaĩɗe wãika!”. Makarã ichi miru wãsii paru baɗa chi juaɗe ɓeesii.