Job
1 Chi puuru Uzɗe nibasia mukĩra chi trʉ̃ Job ichi mukĩra biʼia nibapeɗa jipa nibaɗa Dios ãrĩã respetapeɗa kachirua asekaa basia. 6 Chi ewari chi warrarã Dachi Akõre wãrabenaɗe neesiɗau akʉ duanue Jeowa kĩraiɗe, Satanás siɗa ara ãchi baara koɓoosia. 7 Maabea Jeowaba wiɗisia Satanasmaa: “¿Samabena neesaa?”. “Iujãa aɗu ãda kuɓuu”, panauɗa basia Satanasba Jeowamaa. 8 Mauɗe Jeowaba jarasia Satanasmaa: “¿Unu kuɓuuka mʉ baita trajabarii Job? Wãʼãe jãu kĩraka nii iujãaɗe. Ẽbẽra bia nibapeɗa jipa nia Dios ãrĩã respetapeɗa mauɗe kachirua ɓee ase nibaka”. 9 Satanasba naka asia Jeowamaa: “Ichia bichi ũribarii bichia ichi aiɗabariiɗeeba. 10 Bichiaburu Job jʉ̃kaa bakuruka suduka ɓuekaɗa baɗa. Bichiaburu aiɗa uania, ne miaɗaa ida pasabiimaaba. 11 Jãabea joma bichi juaba ẽekuase chi uniiɗebena maabea ichia maldeciyua ara bichi kĩrapeta”. 12 Maabea Jeowaba jarasia Satanasmaa: “Joma ichia unii bichi juaɗe kuɓua ¡maka ɓumina ichira waurã́ba!”. Maabea Satanás wãsia Jeowa daaɗebena. 13 Maaɗakare, chi warrarã chi kaurã baara komaa duanaɗapeɗa vino do duanuuɗe ichi ãba nabena deɗe, 14 chi jaraɗe wãbariiba neesii maabea Jobmaa jarasii: “Chi bueyrã mauɗe chi burrorã baara komaa duanaɗa ua doɗapeɗa, 15 Sabeorãba odoeɗai baita chi ochia ua duanuurã chi espadaba beakuasiɗau. Mʉdu aɓaburu, miru wãɗa baɗa neesii jarayua”. 16 Abiɗa cha nii beɗeamaa ɓuuɗe, juneba neesii jaraɗe: “¡Bajãaɗebena aukouruu Dachi Akõreɗeeba chi aukokuɓuuba ba wãuchiɗau chi oejarã mauɗe ãchi ochia duanaa siɗa! Mʉdu aɓaburu, miru wãɗa baɗa neesii jarayua”. 17 Mauɗe abiɗa cha nii beɗeamaa ɓuuɗe, juneba neepeɗa jarasii: “Caldeorã grupo õbeaɗe deɗekasiɗau chi camellorã ʉ̃rʉ ataukuaɗapeɗa uadosiɗau; mauɗe beakuasiɗau chi ochia ua duanuurã espadaba. Mʉdu aɓaburu, miru wãɗa baɗa neesii jarayua”. 18 Abiɗa cha nii beɗeamaa ɓuuɗe, maucha juneba neesii jaraɗe: “Bichi warrarã bichi kaurã baara komaa duanasii mauɗe vino domaa duanuu ichi ãba nabena deeɗe. 19 Kawawẽeɗe meʼchibena pũa neeburuuba ʉtʉ jirakuasii mauɗe chi kimarebena parte teapetakuasii chi deɗebena, cha nau chi kũudrãarã ʉ̃rʉ ɓaepeɗa mauba beakuasii. Mʉdu aɓaburu, miru wãɗa baɗa neesii jarayua”. 20 Maaɗakare, Job piradrupeɗa, chi paru dedetasii chi buɗa kara baɗa joma totakuasii, maabea jeeɗa ɓaesii, õdarraare koɓeepeɗa 21 jarasii: “Mʉ ebara paruswãe neeɗa baɗa mʉ dana matrizɗebena ara jãka ebara wãburuu. Jeowaba deapeɗa waya Jeowaba ẽebarisii. Ara jãka jara nibayu chi trʉ̃ Jeowaɗe” 22 Nau jomaɗe Job ne miaɗaa aseebasia, ni Dachi Akõre ne miadaa waubarii jaraabasii.