Job
2 Maaɗakare chi warrarã Dachi Akõre wãrabenaɗe neesiɗau akʉ duanaa Jeowa kĩraiɗe, Satanás siɗa ara ãchi baara koɓoosia. 2 Maabea Jeowaba wiɗisia Satanasmaa: “¿Samabena neesaa?”. “Iujãa aɗu ãda kuɓuu”, panauɗa basia Satanasba Jeowamaa. 3 Mauɗe Jeowaba jarasia Satanasmaa: “¿Unu kuɓuuka mʉ baita trajabarii Job? Wãʼãe jãu kĩraka nii iujãaɗe. Ẽbẽra bia nibapeɗa jipa nia Dios ãrĩã respetapeɗa mauɗe kachirua ɓee ase nibaka. Bichia kʉ̃ria kuɓuu siɗa mʉa ichi jãu akabiyua, ichia mʉ abiɗa respeta nia”. 4 Mauɗe Satanasba panausia Jeowamaa: “Ẽbẽrarãba joma deabadau biudaamaaba. Joma deayua ãchia inii duanuu biumaaba. 5 Maabea, bichia druburubʉrã chi kakua bichi juaba mʉa jaraika ichia maldeciyua ichi kĩraiɗe”. 6 Maabea Jeowaba jarasia Satanasmaa: “Ochiaba, ichi bichi juaɗe kuɓua. Maka ɓumina ¡Bearã́ba!”. 7 Maabea Satanás wãsii Jeowa kĩraiɗebena, maabea Satanasba chi kakua ãrĩãdu puʼua koɓooyu deasii Jobmaa chi jʉrʉ jimiɗiɗebena hasta boroɗaa. 8 Maabea Jobba adausii plato ariɗa baɗa kuruyua mauɗe akʉ ɓeesii etaɓarr tãeɗe. 9 Maabea ichi wẽraba jarasia: “¿Abiɗa respeta kʉ̃ria nii Jeowa biʼia ɓee aseyua? ¡Chi Dachi Akõre maldecipeɗa biúse!”. 10 Maabea ichia panausia: “Beɗeamaa ɓua chi wẽra biʼia pensaka ɓuu nii kĩraka. Chi Dachi Akõre wãrabena niiɗe biʼia ɓuu adaubarii bẽrã, ijãaɗabayue chi kachirua ɓuu siɗa?”. Nau jomauba, Job pekao asee basia beɗeasiiɗeeba.