Daniel

16 Sadrac, Mesac mauɗe Abednegoba chi reimaa panausiɗaa: “Ay, Nabucodonosor, dai chũpeabudau. 17 Nau naka ɓuubʉrã, rei, Dachi Akõre ichi baita trajaniɗauba dai karebai ɓuu biuɗaamaba chi jãu aukokuɓuuɗe. 18 Bariara ichia asewẽesiɗa, rei, bichia kuitaaɓoi, dairãra bichi diosrã mauɗe bichia estatua waubiɗabasia neeba kĩrapita siraɗe paneeɗawẽa, daiba ãchi ũriɗapeɗa ni kʉ̃riaɗaabayua”.