Sección 4 ʉ̃rʉbena

Nau seccionɗe kawaɗayua José, Job, Moisés mauɗe chi israelitarã ʉ̃rʉbena. Maarã Diabloba ãrĩã sufribikuaɗa baɗa. Chi nuree jãarãɗebena kachirua ãrĩã pasakuapeɗaaɗa, carcelɗe eɗa bʉekaɗa, chaarea paaɗawẽa ãrĩã trajabiɗa baɗa mauɗe chi nureerã ãchi deɗabena biupeɗaaɗaa. Maka ɓumina, Jeowaba jomaurã ãrĩã aiɗa ɓoosia. Bichi, warrarã bara niibʉrã, kawabiaba jãarãɗebena jipa nureapeɗaaɗa basia Jeowa ome, bariara kachirua ãrĩã pasakuapeɗaaɗa baɗamina.

Jeowaba 10 kachirua ãrĩã ɓee bʉeɗa basia, unubiayua ichíturu aude poder bara nii chi junebena dios Egiptoɗebenarã kãyabãra. Kawabiaba saka Jeowaba karebakuaɗa baɗa naeɗebenarã ichi baara nureerã mauɗe iɗibae biɗa dachi ochia ua nia.