2. Biblia Dachi Akõreɗebena neeɓua

1. BIBLIA DACHI AKÕREƊEBENA NEEƁUA

“Chi Ɓʉkuɓuu Dachi Akõreburu ɓʉbiɗaa” (2 Timoteo 3:16).

¿Sakayua Biblia aude biʼia ɓua wabena librorã kañabara?

Biblia 3 mil beɗearãɗe wañaa ɓʉbariɓua, mambae Bibliaɗebena ãrea kopia sakabadau.

Bibliaɗe ɓʉkuɓuu junebena librorãba jaradeaɗakau.

• 1 Tesalonicenses 2:13

  Dachi Akõreba Biblia ɓʉbisii.

• 2 Pedro 1:21

  Dachi Akõreba mukĩrarãmaa ɓʉbisia ichi kʉ̃risiaɗebena.

2 BIBLIABA JARAƁUA KÃARE PASAI

“Dachi Akõreba [...] setaa jarakau” (Tito 1:2).

¿Sakayua dachia ijãaɗai ɓua Bibliaɗe jaraɓuu?

• Isaías 44:27- 45:2

  Yatadeɗa 100 año wañaa pasasii naeɗe Bibliaba jarasii saka puuru Babiloniaɗebena wabenarãba ãritaɗai.

• 2 Timoteo 3:1-5

  Bibliaba jaraɗa kĩraka iɗibae ãrea pasamaaɓua.

• Números 23:19

  Dachia ijãaɗai ɓua Bibliaba jaraɓuu dia uruburuuɗebena.

3 JEOWABA BIBLIA ƁɄBISIA DACHI KAREBAKUAYUA

“Mʉ, Jeowa, bʉchi Akõre, mʉa jaradeaɓua bʉchi biʼia nibai baita” (Isaías 48:17).

¿Kãare kawasaa bʉchia Bibliaɗebena?

• Job 26:7; Isaías 40:22

  Chi Bibliaba ariɗe jaradeaɓua ciencia ʉ̃rʉbena.

• Números 20:2-12

  Chi Biblia ɓʉpeɗaaɗarãba biawãrarã ɓʉsiɗaa.

• Mateo 5-7

  Jesusba dachirãmaa jarasia saka kĩrajʉʉnureaɗai, saka dachi wabenarã ome biʼia duanaɗai ɓua, saka ʉtaa wiɗiɗai ɓua mauɗe chi nejarra kʉ̃risiaɗaẽmaba konsejo deasia.

4 BIBLIABA DACHI NAEƊE NIBAƊA KAMBIABIƁUU

“Dachi Akõre beɗea chokaeɓuukaɓuu mauɗe poder ãrea uruɓuu” (Hebreos 4:12).

¿Dachi Akõre Beɗeaba bʉchi saka karebai ɓua?

• Bibliaba bʉchimaa jaradeai ɓua Dachi Akõreba kãare aseiba ichia kʉ̃riaɓuu.

• Biblia learuuba kuitaaruu bʉchi kʉ̃risiaɓuuɗebena kãare naeɗe kʉ̃risianibaɗa.

• Bibliaba kawabiɓua kãare Dachi Akõreba wiɗiɓuu bʉchimaa asei baita.

Bibliaba kawabiɓua Dachi Akõreba kʉ̃riaɓuu bʉchia Biblia leapeɗa, kawapeɗa, ãrea kʉ̃riaɓuai.