3. ¿Dachi Akõreba kãare kʉ̃riaɓua ẽbẽrarã baita?

1 DACHI AKÕREBA DACHI BIʼIA DUANAƊAI BAITA WAUƊABASIA

“Ẽbẽrarã biarãturu nau iujãaɗe duanaɗai mauɗe waaburu iujãa ʉ̃rʉ duanaɗayua” (Salmo 37:29).

¿Dachi Akõreba kãare kʉ̃riaɓua ẽbẽrarã baita?

Génesis 1:28

Dachi Akõreba kʉ̃riaɓoosia ẽbẽrarãba chi iujãa aude kĩrawãreaɓuuɗe babiɗayua mauɗe animararã joma biʼia ochianibaɗayua.
Isaías 46:9-11; 55:11

Dachi Akõreba ichia asekʉ̃riaɓuu aseyua mauɗe ni aɓa biɗaba aserãaba aẽbai.

“Joma nau iujãaɗe Dachi Akõreɗe ijãaɗakaurã jʉbawãenii juaɗe duanuu” (1 Juan 5:19).

¿Kaiba uruɓua nau iujãa?

Juan 12:31

Jesusba jʉbawãenii nau iujãaɗebena kobernante aɓoosii.
Santiago 1:13-15

Jʉbawãeniiba ichiɗewãeɓuu adaukʉ̃riasia.
Génesis 2:17; 3:1-6

Jʉbawãeniiba setarã jarasii Evamaa. Adan Eva omeba Dios beɗea ũriɗaẽbasii mambae biusiɗaa.
Romanos 3:23; 5:12

Dachirã biupanua Adanba pekao deaɓuiɗa dachiɗe eɗa urupanuuɗeeba.
2 Corintios 4:3, 4

Jʉbawãeniiba setarã jaraɓuu ẽbẽrarãmaa.

“Bʉchi Kobierno neebis. Bʉchia kʉ̃riaɓuu asebiba [...] nama nau iujãaɗe” (Mateo 6:10).

¿Kãare aserua Jeowaba mau neebii baita?

Daniel 2:44

Dachi Akõre Kobiernoba nau iujãaɗebena kobiernorã akabatai mauɗe ichi Kobiernoturu akabaẽbai.
Apocalipsis 16:14-16

Dachi Akõre chĩoruu diaɗe ẽbẽrarã kachiruarãbaɗa kenatai.
Isaías 9:6, 7

Jeowaba jʉrʉsii Jesus Rey Kobierno ʉtʉ bajãaɗebena bayua. Jesusba nau iujãa kobernayua.

“Bʉchi jua ewaɓua joma uñabanureeba kʉ̃riaɓee bʉchia deaɓua” (Salmo 145:16).

¿Dachi Akõre Kobiernoba kãare aserua dachirã kakua?

Salmo 46:9

Ãchi chiya kenapanuu, miabeaɗapeɗa mauɗe mititia asenuree akawa wãʼãebai.
Isaías 32:18; 65:21-24

Iujãa chiwiɗiɗe, jomaurã biʼia panayua mauɗe de siɗa nepono kĩrawãrea baara uaduanai.
Salmo 72:16

Chiko jomaurã baita barai.
Isaías 11:6-9

Ẽbẽrarã animararã baara ambua panaɗai.
Isaías 33:24; Hechos 24:15

Ni aɓa biɗa ẽpermaẽbai. Biupeɗaaɗabaɗa waya chokaenureaɗai.