5. Jesus biusii dachi pekao kakua

1 JOMAURÃBA PEKAO KAKUA KAREBAI BAITA NESITAPANUA

Jesus neeɗaa “ichi chokaenibaɗa deayua kabanarã pekao kakua karebai baita” (Mateo 20:28).

¿Sakayua pekao kakua karebai baita nesitapanaa?

Génesis 3:17-19

Adan ũriibasiiɗeeba, Jeowa jʉ̃kaabena ãijĩa ãrea koɓeepeɗa, mauɗe ichi kakuaɗe eɗa pekao urukoɓeesii mambae iujãa mipitaakiruuɗebena awara duaɓuisii.
Romanos 5:12

Adanɗeeba, dachia pekao adausiɗaa mauɗeeba biupanua.
Efesios 1:7

Jeowaba karebasiiɗeeba ẽbẽrarãba pekao wauduanuu wãʼãebibarii mauɗe biubikuakau.

“Dachi Akõreba ichi Warr aɓaburunii buesia iujãaɗaa dachirãba ichiɗeeba chokaenureaɗayua” (1 Juan 4:9).

¿Kãare asesaa Jeowaba dachi pekao kakua karebai baita?

Salmo 49:7, 8

Dachiɗebena ni aɓa biɗa poyaa wabenarã karebaẽbaiɓoosia pekao wãʼãe duanaɗai baita Adan ɓoaɗaka.
Lucas 1:35

Jeowaba iujãaɗaa ichia Warr kʉ̃riaɓuu buesia ẽbẽra pekaowãeɓuu kĩraka nasei baita.
Romanos 3:23, 24; Hebreos 9:24

Jesus piradruɗakare, ʉtʉ bajaɗaa waya wãsia mambae ichia Akõre daaɗe unubisia ichia pekaowãe nibasiiba dachirãra pekao kakua karebasii.

“Ichia ãchi dauɓaa jarekuarua, waaburu biuɗawẽa” (Apocalipsis 21:4).

¿Kãare ne bia adauɗaiba Jeowaba dachi pekao kakua karebasiiba?

1 Juan 1:8, 9

Dachia pekao waupeɗaaɗa Jeowaba perdonaɓuu.
Hebreos 9:13, 14

Dachi Akõre daaɗe dachi kʉ̃risia ne kachiruaswãe biʼia uruduanaɗai.
Romanos 6:23

Biuɗawẽa nurepaaɗe wãi.
Gálatas 2:20

Jeowa Jesus omeba dachi pekao kakua karebasiɗau ãrea kʉ̃riapanuuɗeeba.

“Dachi Akõreba [...] Warr aɓaburunii deasia joma ichiɗe ijãaduubʉrã biuwẽa nurepaaɗe wãɗayua” (Juan 3:16).

¿Saka unubipanua dachirãra: “Bʉchituru kiɗibaika” aɗai Dachi Akõremaa ichia dachi pekao kakua karebasiiba ʉrrekalo kĩra?

Juan 17:3

Jeowa Jesus omeraɗebena kawa unupeɗa ãchi kĩra nibase.
Lucas 22:19

Ʉrreunion Jesus biuɗaɗebena akordaɗayua añocha wãba.
Juan 3:36; Santiago 2:26

“Mʉ Jesusɗe ijãanii” makaburu aɓoarãba. Ichia jaradeaɗaɗeburu nibaba.