6. ¿Kãare sãɓuma dachi biubudauɗe?
1 DACHI BIUBUDAUƊE CHOKAENIBAI BAƊA AKABAƁUMA
“Biupeɗaaɗarã akawa kʉ̃risiaswãepaneebarii” (Eclesiastés 9:5).
¿Kãare sãɓuma dachi biubudauɗe?
Salmo 146:3, 4; Eclesiastés 9:6, 10
Dachi biubudauɗe, unubarii, ũribarii, kʉ̃risiabarii baɗa ɓuibadaa.
-
Jesusba biuiɗebena kãinoɓeeruuka kawabiɗaa.
2 JEOWABA DACHI BIUƊAI PANUUƊEBENA KɄ̃RIAẼBASIA
“Bakuru kuitaabibariiba ne bia mauɗe ne kachiruaɗebena, jãu koẽbayua, bʉchia jãuɗebena koruuɗe aramau diaɗe bʉchi biuyua” (Génesis 2:17).
¿Sakayua dachi biupanaa?
Génesis 3:1-6
Jʉbawãeniiba Evamaa setaa jarasii Dachi Akõre beɗea jaraɗa ʉ̃rʉbena. Adan Eva omeba Dachi Akõre beɗea ũriɗaẽbasiiɗe, pekao aseɗapeɗa mambae biusiɗau.
Génesis 3:19
Adan biupeɗa, nibaɗe wãebasii.
-
Nawe akõre naberãraba pekao deasiɗau ẽpermo kachirua pasabadau kĩra. Jomaurã dachi kakuaɗe eɗa pekao iɗaa nasebadauɗeeba biupanua.
-
Bibliaba jaraɓuu dachi biubibarii jãu ẽbẽra dachi iadaabariiɗeeba beatabariikania.
3 BIUƊA Ʉ̃RɄBENA BIAWÃRA KAWADUUBA PERABIƊAKAU
“Ẽbẽra biubariisirã, ¿waya chokaenibai ɓue? Mʉa esperaɓoi [...] waya bʉchia mʉ piradrubiruuɗaa” (Job 14:14).
Biuɗa ʉ̃rʉbena biawãra kawaduuba, ¿kãare setaa ʉ̃rʉbena ijãaẽbayua?
-
Ĩpiernoɗaa buei jaradeapanuuba Jeowa kĩrubiɓuu. Ichia maka dachi supribikaa.
-
Ẽbẽra ãreaba perabadaa biupeɗaaɗarã, mauɗeeba chi biupeɗaaɗarãmaaburu ãchia wiɗibadau Jeowamaa wiɗiɗawẽa. Jeowaturu Dachi Akõre aɓaburunia, ichimaaburu nejoma kʉ̃riaɗapeɗa wiɗiɗai.