7. Dachi Akõreba biupeɗaaɗa waya piradrubiyua

1 JEOWABA ẼBẼRARÃ WAYA BIUBIAẼBAYUA

“Jeowaba biubiaɓuu jaretai biubiabarii wãʼãe bayua” (1 Corintios 15:26).

¿Bibliaba saka kĩrachuburiaɓua ẽbẽra aɓa biuruuɗe?

• 2 Corintios 1:3, 4

  Deɗabena o ãbacheke biuruuɗe dachi kĩrajeɗa nomaaduaneebadaa. Bibliaba dachirã ariɗe kĩrachuburiaɓua.

• Isaías 25:8; 26:19

  Jeowa poder uruɓuuɗeeba biubiabarii akawara jaretayua. Ichia piradrubiai kinipeɗaaɗarã.

2 WAYA PIRADRUBUDAUƊEBENA IJÃAƊAI ƁUA

“Awẽracheke, mʉa: ¡piradrus! Arua” (Marcos 5:41).

¿Sakayua dachia ijãaɗai ɓua waya piradrubudauɗebena?

• Juan 11:1-44

  Jesusba Lazaro piradrubisia.

• Marcos 5:22-24, 35-42

  Jesusba awẽracheke piradrubisia.

• Juan 11:41, 42

  Jeowaba Jesusmaa poder deasia biupeɗaaɗarã waya piradrubiayua.

• Juan 12:9-11

  Ẽbẽrarã ãreaba unusiɗau saka Jesusba biupeɗaaɗarã waya piradrubiasii. Jesus iadaanureabariirãba unusiɗa ichi biupeɗaaɗarã piradrubiaruu.

3 JEOWABA ẼBẼRARÃ KABANARÃ BIUPEƊAAƊARÃ WAYA PIRADRUBIARUA

“Bʉchia iui mambae mʉa panauyua. Bʉchi juaɗeeba wauɗa bʉchia unukʉ̃riañu” (Job 14:13-15).

¿Kairã waya piradruɗaiba?

• Juan 5:28, 29

  Joma Jeowa kʉ̃risiaɗe duanuu waya piradruɗai.

• Hechos 24:15

  Waya piradruɗai ẽbẽrarã Jeowa beɗea ũripeɗaaɗa mauɗe Jeowa ʉ̃rʉbena kawaɗaẽbaɗa.

• Isaías 40:26

  Jeowaba kuitaaɓua estreya jomaurã trʉ̃, arajãka akordabarii dachia asepeɗaaɗa mauɗe saka nureaɗa ichia waya piradrubiayua.

4 CHI ƁEE ẼBẼRARÃ WAYA PIRADRUƊAI ɄTɄ BAJÃAƊE PANAƊAI BAITA

“Mʉa chi sãma machi duanaɗai baita aseɗe wañua” (Juan 14:2).

¿Kairã waya piradrubudaa ʉtʉ bajãaɗe duanaɗai baita?

• 1 Pedro 3:18

  Jesus ɓoaɗa naa piradrusia ʉtʉ bajãaɗe ɓoai baita.

• Lucas 12:32

  Jesusba jaraɗa ichiɗe ijãanuree ɓãarãburu waya piradruɗai ʉtʉ bajãaɗe duanaɗayua.

• Apocalipsis 14:1

  Jeowaba 144 mil Jesusɗe ijãanuree jʉrʉsia ʉtʉ bajãaɗe duanabiayua.