8. ¿Kãareba Dachi Akõre Kobierno?

1 DACHI AKÕRE KOBIERNO ICHIARATURU ƁUU

“Neebis bʉchi Kobierno. Bʉchia kʉ̃riaɓuu asebiba arajãka ʉtʉ bajãaɗebena kĩra, nama nau iujãaɗe” (Mateo 6:9-13).

¿Kãareba Dachi Akõre Kobierno?

Apocalipsis 11:15

Dachi Akõre Kobiernoba ʉtʉ bajãareba kobernayua.
1 Timoteo 6:15

Jesus chi Rey Dachi Akõre Kobiernoɗebena.
Apocalipsis 14:1, 4

144 mil ẽbẽrarã barayua Jesus ome ʉtʉareba kobernaɗayua.
Hebreos 4:15; 5:8

Jesus mauɗe chi 144 milrãba dachi problema mauɗe saka sentipanuu ʉ̃rʉbena kuitaapanua.

“Ichia jues jipania pobrekiruree baita” (Isaías 11:4).

¿Sakayua Jesus chi Rey audeara biʼia nii Dachi Akõre Kobiernoɗebena baita?

1 Timoteo 6:16

Joma ẽbẽrarã kobierno akabaɗayua. Maamina Jesusra biuwẽa. Mauɗeeba Jesusba joma biʼia aseruu dachirã baita jãara akabawẽa.
Isaías 11:2-4

Jesus dachirã kakua nejoma asei ɓua ẽbẽrarã kobierno aude. Ẽbẽra kobiernorã ara ambua chibʉrʉduumina chi Jesus Kobiernoturu aude poder baraɓuu ãchi kañabara. Mauɗe ichi jipa nibapeɗa kĩrachuburia sentibaria.

“Dachi Akõre ʉtʉ bajãaɗebenaba kobierno akabaẽbai kuɓuuburua” (Daniel 2:44).

¿Kãare aseɗaɓua Dachi Akõre Kobiernoba? ¿Kãare asekʉ̃riaɓua dia uruburuu baita?

Apocalipsis 12:7-12

Jesus Rey trʉ̃jarapeɗaaɗakare 1914ɗe, duaɓuisii chi jʉbawãenii iujãaɗaa. Mauɗeburu iujãaɗe ãrea supriduanua.
Eclesiastés 8:9; Apocalipsis 16:16

Jeowa chĩoburuu diaɗe, ichi Kobiernoba akabayua chi kobierno ẽbẽrarãɗe ome.
Salmo 37:10

Ẽbẽrarã kambiakʉ̃riaɗawẽɗeeba Dachi Akõreba kenakuai.
Apocalipsis 22:1-3

Dachi Akõre Kobierno iujãaɗe kobernaɗakare ẽbẽrarã ẽpermaɗaẽbai, waaburu biuɗawẽa nurepaaɗe wãi mauɗe Dachi Akõre trʉ̃ ʉ̃rʉbena atua jaraɗaẽbayua.