9. ¿Arakaitaɓoabaka miaɗaa waunuɓuu joma akabai baita?

1 JEOWABA DACHI JARAƁUU PUTURUƊE KÃARE PASAIBA

“Ichia jaraɓua naeɗeɗa kãare saka pasaɗaima kaaɗeeɗaa, yataɗeɗa jaraɓua nejomaɓee wabiɗa makawẽa kuɓua” (Isaías 46:10).

¿Kãare kuitaapanaa diarãɗebena miaɗaa waunuɓuu akabai naeɗe?

Daniel 7:13, 14

Jesusba ʉtʉ bajãaɗe kobernakoɓeesia 1914ɗe.
Mateo 24:3-14

Jesusba jaraɗa diarã miaɗaaɓee neeñu ẽbẽrarã baita.
Apocalipsis 12:7-9, 12

Jesusba kobernakoɓeeɗakare, ʉtʉ bajãareba jʉbawãenii duabuesii iujãaɗaa. Jʉbawãenii oa kachiruaɓuu “ichi ɓoi baita ara mistinkaburu” koɓeesiiɗeeba. Jãmaeɗeɗa, Dachi Akõreba ida asebiwẽa waaburu ne kachirua asei baita.

“¿Kãare pasaibama [...] kachiruanuree akabaiɗea iruɓuu?” (Mateo 24:3).

Bibliaba pasaiɗebena jaraɓuu kumpliruu, ¿bʉa unuɓue?

Mateo 24:7; Lucas 21:11

Iɗibae naeɗebena aude ãchi chiya beapanua, jarbisia, iujãa uribarii, ẽpermaduanuu.
2 Timoteo 3:1-5

Apostol Pabloba jarasia ẽbẽrarã saka nureaɗai diarã chi miaɗaa waunuɓuu akabai naeɗe.
Daniel 12:4

Dachi Akõreba ichiɗerã ũkuru karebamaaɓua Bibliaɗebena biʼia kuitaaɗai baita naeɗebena audeara.
Mateo 24:14

Dachi Akõre Kobierno ne jarabiaɗebena iujãa jomauɗe jaramaapanua.

“Jeowa dia neeyua nechiru ẽsebuɗe neebarii kĩraka” (1 Tesalonicenses 5:2).

¿Kãare aseiba bʉchia chi miaɗaa waunuɓuu akabai arakaita kãriɗe kuitaaruuba?

Juan 17:3

Bibliaɗebena kĩrajipa kawaba.
Hebreos 10:24, 25

Jeowa ɗebena jaranũrẽ ʉrreunionɗa wãba waaburu kawai baita.
Santiago 4:8

Ne kachirua ɓuiba Dachi Akõreɗebena arakaita ɓeei baita.
Lucas 21:34-36

Jeowa kʉ̃riaba, jãturu aude biʼia ɓua bʉchi nibai baita.