12. ¿Bʉchia kãare aseiba Dachi Akõre amiko bayua?
1 DACHI AKÕRE AMIKORÃBA ICHI BEƊEA ŨRIBABANUREA
“Mʉ beɗea kawa ũriibaɗa, mambae mʉ machi Akõre bayua, mauɗe machi mʉ puuru baɗai” (Jeremías 7:23).
¿Biawãrata Dachi Akõre amikorã baɗayue?
Génesis 22:18; Santiago 2:23
Abrahanba Jeowa amiko baɗa ichia ichi beɗea ũriɗaɗeeba mauɗe pe ichiɗe uruɓoosiiɗeeba.
2 Crónicas 16:9
Jeowaba karebayua chi ũribabanureerã.
Salmo 25:14; 32:8
Jeowaba biʼia kʉ̃risiabipeɗa kuitaabiaɓua ichi amikorãmaa ne bia aseɗayua.
Salmo 55:22
Jeowaba ichi amikorãmaa biʼia ochia uaɓoi.
2 JOB ICHIA AMIKO BIA NIBAPEƊA JEOWA ƁUIKABASIA
“Nau jomaɗe Job ne kachirua aseẽbasia, ni Dachi Akõre ne kachirua waubarii jaraẽbaɗa” (Job 1:22).
¿Kãare asesaa jʉbawãeniiba Job? ¿Mauɗe Job kãare asesaa?
Job 1:10, 11
Jʉbawãeniiba Job miõkachirunii mauɗe Jeowa kʉ̃riakau aɗabasia.
Job 1:12-19; 2:7
Jeowaba ida chi jʉbawãeniimaa joma chi Jobɗe ẽebaribisia. Maubapeɗa, chi jʉbawãeniiba ẽpermapeɗa miaɗaaɓuu deabisia.
Job 27:5
Job aduabasia sakayua supriɓuu, maamina Dachi Akõre ɓuiwẽa jipa nibasii.
3 CHI JɄBAWÃENIIBA BɄCHIA AKÕRE ƁUIBIYUA KɄ̃RIAƁUU
“Ẽbẽraba ichi unii joma deai ichi biuẽmaba” (Job 2:4).
¿Chi jʉbawãeniiba saka berekaɓua dachirã Jeowa ome amiko babiẽmaba?
-
Chi jʉbawãeniiba setaaɗeeba berekaɓua dachia Jeowa beɗea ũribababiaẽmaba.
Proverbios 24:10
Chi jʉbawãeniiba dachirãba Jeowamaa biʼia trajaɗaẽbai ɓuu a jaraɓua.
-
Chi jʉbawãeniiba dachi kaaɗe ãdanii ne kachirua waubiyua.
Proverbios 27:11
Jeowa beɗea ũribabapeɗa amiko bia ichi ɓuikaɓuu nibaba. Mauba unubiɓua chi jʉbawãeniiba setaa ãrea nii.
4 JEOWA BEƊEA ŨRIBABA DUANUU ICHI KɄ̃RIAPANUUƊEEBA
“Dachi Akõre biawãra kʉ̃riapanuubʉrã, ichiba waubiɓuu beɗea joma wauɗai” (1 Juan 5:3).
¿Bʉchia kãare aseiba Jeowa amiko bayua?
Deuteronomio 6:5
Dachi Akõre kʉ̃riaba. Mauba karebaɓuu ichi beɗea ũribaba nibayua.
Isaías 48:17, 18
Jeowa ũribabaniibʉrã, noremaacha dauchia nibai ɓua.
Deuteronomio 30:11-14
Ijãaba Jeowaba wiɗikaa bʉchia poyaa aseẽbai ɓee.
-
Ne bia ɓee aseba. Makaburu, Jeowaba juersa deayua.