13. Respetaba dachi bida ʉrrekalo kĩrakaɓuu

1 RESPETABA DACHI BIDA ɄRREKALO KĨRAKAƁUU

“Bʉchiaburu chokae nibabiɓua” (Salmo 36:9).

¿Saka unubipanaa dachia chi bida respetapanuu?

• Hechos 17:28; Apocalipsis 4:11

  Jeowaba dachi bida deaɗa ʉrrekalobʉ mauɗeeba  respetaɗayua.

• Éxodo 21:22, 23; Deuteronomio 5:17

  Abarikau beai mauɗe warra awara ertai pekaobʉ.

• 1 Juan 3:11, 12, 15

  Dachia aɓabena kĩramaaɗaẽbayua.

• 2 Corintios 7:1

  Dachia nejoma asenibabarii sikarriyo doi mauɗe kũɗe ʉtaa ʉ̃barii aseɗaẽbayua.

• Salmo 11:5

  Telebisorɗe aɓabena puʼuaruu unubibaɗau ochiaɗaẽbai mauɗe jemeneniiɗe biui ɓuubʉrã jemeneɗaẽbai.

2 DACHI OA BIDABɄ

“Animararã mauɗe ẽbẽrarãɗe bida chi oabʉ, jãuɗe chi bida ɓuuɗeeba” (Levítico 17:14).

¿Dachi Akõreba kãare kʉ̃risiaɓua bidaɗebena mauɗe oaɗebena?

• Génesis 4:10; Deuteronomio 12:23

  Chi oa bidabʉ.

• Génesis 9:3, 4

  Kiuru koɗai ɓua maamina, chi oara wãebʉ.

• Hechos 15:28, 29; 21:25

  Dachi Akõre leyba jaraɓuu chi oa koɗaẽbai arajãu siɗa dotorãba aɓabena oa  dachimaa deabadau idarabiɗaẽbayua.

• Hebreos 11:6

  Dachi Jeowa amiko nibai aude biʼia ɓua dachirã baita.

3 JEOWABA IDARABISIA CHI OAƊEEBA DACHIRÃ PEKAO PERDONAƊAYUA

“Ichi Warr Jesus oa cheɗaba dachi pekao joma jeraabarii” (1 Juan 1:7).

¿Kãare adaupanaa Jesus biuɗakakua?

• Levítico 17:11

  Kuskareɗa, israelitarãba Jeowa perdon adaupanasia animara oɗoeduuba chi saserdotemaa. Aria beaɗapeɗa chi oa altar ʉ̃rʉ eabuebachiɗau.

• Mateo 20:28; Hebreos 9:11-14

  Jesusba ichi bida deasia o ichi oa perdon deaɗai baita dachi pekao kakua. Jesus biuɗakaaɗe, jãbae waa chi animara oɗoeyu nesitaẽbasia, chi leyba jaraɓooɗa kĩra.

• Juan 3:16

  Jesus bida ãreatu baleɓoosia, Jesus piradruɗakare, Jeowaba waya chokae nureaɗayua deɗekasia jomaurã Jesusɗe ijãabudau.