15. ¿Saka kuitaaɗaiba sãu chi relijion ariɗe jaraɓuu?

1 DACHI AKÕREBA JOMAURÃ RELIJIONA BUSTAKAA

“Poroa chi o baara pisuaɓua waaburu chokaenibai baita oɗoeɓua, mauɗe ãreabara unuɗakaa” (Mateo 7:14).

¿Sakayua kuitaapanaa jomaurã relijiona Dachi Akõreba bustakau?

Mateo 7:21-23

Dachi Akõreba bustakau relijiona ichia kʉ̃riaɓuu aseɗakauɗeeba.
Mateo 7:13, 14

Relijion ariɗe jaradeaɓuuba waaburu chokaenibai baita oɗoeɓua. Relijion setaa jaradeaɓuuba kinibiabarii.
Mateo 7:16, 17

Dachi kuitaaɗai ɓua sãu relijion ariɗe jaradeaɓuu unuruuɗe relijionaɗe duanuu saka nuree, saka beɗeabadaa, kãare waupanuuɗebena. Jomaurã aɓa aɓaa relijionɗebena kuitaaɗai nesitawẽa. Bibliaɗebena kawaruuba araɓua.

1 Tesalonicenses 2:13; 2 Timoteo 3:16, 17

Ijãapeɗa jaradeaba Bibliaba jaraɓuuɗebena.
Mateo 4:10; Juan 17:6

Jeowa kʉ̃riaabaɗa mauɗe ichi trʉ̃ jaraba.
Juan 13:35

Dachi Akõre baita trajaduanurã kʉ̃riayua.
Juan 3:36; Hechos 4:12

Jesus beɗea ũriba. Dachi Akõreba karebaɓua biubiẽmaba Jesusɗebena.
Juan 18:36; Hechos 5:29

Politikaɗaa wãrãaba.
Mateo 6:10; 24:14

Wabenarã ẽbẽrarãmaa jaradeaba Dachi Akõre Kobiernoturu dachi problemarã akabai ɓua.

¿Kãare aseiba bʉchi Dachi Akõreba ichia kʉ̃rianii ijãayua?

Santiago 2:19

Beɗeaburu jaraẽbayua mʉa Dachi Akõre ijãanii. Jeowaba Bibliaɗe jaraɓuu ũribabaɗayua.
Isaías 52:11; Apocalipsis 17:5

Relijion setaa jaradeaɓuuba o “Babilonia Choromaba”, jaradeɗekaɓua ẽbẽrarãmaa Dachi Akõre añaa kʉ̃riaɗayua ichia kʉ̃riaɓuuwãeka. Setaa jaradeapanua jari trinida, dachi jauri biukau mauɗe ĩpiernoɗebena.
Apocalipsis 18:4, 8

Jeowaba nauɗe chi relijion setaa jaradearã akabatai. Joma relijionaba ariɗe jaraɓeewãerã bʉchia ida ɓui baraa.
Marcos 10:28-30

Baraayua ẽbẽrarã bʉchi Jeowa baita trajanii kakua atua jaraduusiɗa, ichia bʉchi ɓuiwẽa.