16. Dachi Akõre jʉ̃kaanibaba

1 RELIJION SETAA JARAƁUU IDA ƁUUBA

“Machi jãarãɗebena awara wãɗapeɗa, mauɗe añaa wãabaɗa —Jeowaba jaraɓuu—, mauɗe kosa mititiaɓuu waa waurãaba” (2 Corintios 6:17).

¿Sakayua biʼiawãeɓua santorã ʉrretrato unibai mauɗe ãtiporãmaa wiɗii Dachi Akõre kĩraka?

Éxodo 20:4, 5; 1 Juan 5:21

Jeowaba santorã ʉrretrato uruɓeaɗai ichimaa wiɗiduu kĩraɓee bustakau.
Deuteronomio 18:10-12

Biupeɗaaɗarã ome beɗeaduu kĩrabadau ãchirã chi jʉbawãenii omeburu beɗeapanua.

“Señorba biʼia unuɓuu kuitaaɗai baita jʉrʉsturu” (Efesios 5:10).

¿Bʉchia saka kuitaai ɓua piestaɗaa wãi ɓuu o wãẽbai ɓuu?

Ezequiel 44:23; 2 Corintios 6:14, 15

Kawa wiɗiba chi piesta relijion setaa jarabariiɗebenaɓuu.
Éxodo 32:2-10

Chi nuree ẽbẽrarãba piestaɗaa wãbadau ãchi deɗabena baara kĩrajʉʉduanabariiɗeeba, bariburu chi ɓee piestarã Dachi Akõre baita biʼiaɓeewãe.
Daniel 3:1-27

Wãrãaba piestarã Dachi Akõre bustakauɗaa. Dachi año kumpliburuuɗaa maaɗaba piesta baraauɗaa wãẽbai ɓua. Mauɗe bandera jirabudauɗe partisipaɗaẽbai.
1 Timoteo 1:18, 19

Kawa kʉ̃risiaba asei naeɗe bʉchia asekʉ̃riaɓuu. Joma biʼia aseba Jeowa daaɗe bʉchi duaɓa kʉ̃risiaɗe nomaanoɓeemaba.

“Bʉchi kĩrawãrea beɗeaba, kĩrabara tãã chikoɗe baripeɗaaɗa kĩra, machia kuitaaɗayua saka panaui wabenarã aɓa aɓaa” (Colosenses 4:6).

¿Saka biʼia jarai ɓua wabenarãmaa bʉchia kãare ijãaniiɗebena?

Mateo 7:12

Wabenarãba kʉ̃risianuree bʉchia respetaba, arajãka bʉchiɗe wabenarãba respetaɗai kʉ̃riaɓuka.
2 Timoteo 2:24

Ẽbẽra bia nibaba mauɗe bʉchia ijãaniiɗebena jararuuɗe miõwẽa.
1 Pedro 3:15

Bʉchia ijãaniiɗebena miõwẽa choroaba, wabenarã respetaba.
Hebreos 10:24, 25

Ʉrreunion Jesusɗe ijãabadauɗe wãruuba chaarea jãaduabibarii, makaburu kawa jara kawabiyua ẽbẽraba añaa jararuuɗe.