18. ¿Dachi Akõre ome nibaɗe wãyu wiɗiɗabaɗa mʉ bautisayue?
1 DACHIRÃ BAUTISAƊAI NESITAƊUANUA
“¡Ochiase! Nama bania nuɓuu. ¿Mʉ bautisai ɓuka?” (Hechos 8:36).
¿Sakayua mauɗe saka bautisaɗaiba?
Bautisabudauɗe, dachi naeɗe asenibabarii baɗa ɓuipanua mauɗe Dachi Akõreba kʉ̃riaɓuu waukopaneebudau.
-
Bautisaɗai baraa Jeowa baita trajaɗayua.
Salmo 40:8
Bautisabudauba wabenarãmaa dachia unubipanuu Dachi Akõre baita trajaɗakʉ̃riapanuu.
-
Ẽbẽra bautisaruuɗe ichi kakua joma baniaɗe sũratai baraa, arajãka Jesus bautisasii kĩraka.
2 JEOWABA JOMA DACHIA POYAA WAUẼBAI ƁEE WIƊIKAA
“Dachi Akõre biawãra kʉ̃riapanuubʉrã, ichiba waubiɓuu beɗea joma wauɗai. Ichiba waubiɓuu beɗea chaareawẽaɓuu” (1 Juan 5:3).
¿Sakayua Jeowa ome nibaɗe wãyu wiɗiɗai baita peraɗaẽbaiba?
Salmo 103:14; Isaías 41:10
Joma biʼia aseɗaẽbayua Jeowa ome nibaɗe wãyu wiɗiɗai baita. Ichia ũkuru ne bia waubiayua.
-
Dachia Jeowa aude kʉ̃riapanuubʉrã miaɗaa aseɗaẽmaa panaɗai.
3 DACHI BAUTISAƊAI NAEƊE KOSARÃ NAA BIʼIA ASEƊAYUA
“Mʉ Akõre, bʉchia mʉ asebikʉ̃riaɓuu aseruuba mʉ kĩrajʉʉbibarii. Bʉchi ley mʉ kʉ̃risiaɗe eɗa uruɓua” (Salmo 40:8).
¿Dachi bautisaɗai naeɗe kãare kosarã naa biʼia aseɗayua?
-
DACHI AKÕRE BEƊEA KAWAƊAI BARAA
Jeowa mauɗe Jesucristo baarabena kawaɗai baraa. Ãchiɗebena ãrea kawaɗarã aude kʉ̃riaɗayua.
-
PE BARAPANAI
Dachi Akõreba deai aɓuuɗe akawa ijãaɗai baraa mauɗe Jesus biuɗaɗebena dachirã pekao mauɗe biuiɗebena karebaɓua.
-
NE KACHIRUA ASEƊA KAKUA KĨRANOMAA ƁOI BARAA
Dachia ne kachirua waupeɗaaɗaɗeeba kĩranomaa duanaɗai baraa.
NE KACHIRUA IDA ƁUI BARAA
Ne kachirua ida ɓupeɗa ne bia waukoɓei.
-
DACHI AKÕRE OMEBURU NIBAƊE WÃYU WIƊIƊAI
Dachi Akõre omeburu nibaɗe wãyu wiɗiburuuɗe ʉtaa aude kĩrawãrea wiɗiɗayua. Naka wiɗiɗakare dachia jarabadau ichituru dachia kʉ̃riaɗai, mauɗe ichi baita trajaɗai naa koɓooyua.