19. Waaburu Jeowa ome amiko nibaba

1 JEOWABA BɄCHI KɄ̃RIA UNIA

“Dachi Akõreba ãrea kʉ̃riasiiɗeeba, ichi Warr aɓaburunii deasia ichiɗe ijãaɓuu kiniimaba, bari biuwẽa nibayua” (Juan 3:16).

¿Dachi Akõreba ichia saka kʉ̃rianii unubiɓua?

• Salmo 91:2

  Jeowaba dachi karebaɓua kĩrabara kueɗebena miruruu kĩraka. Bʉchi problema baraɓuubʉrã ichia karebai ɓua.

• Salmo 37:29

  Dachi Akõreba jarasia dachia iujãa kĩrawãreaɓuuɗe duanaɗai.

• 1 Timoteo 6:12, 19

  Dachi Akõreba dachi iujãa kĩrawãreaɓuuɗe biuɗawẽa duanabii. Mamaria chĩoɗawẽa, kĩrajʉʉburu panaɗai mauɗe ẽpermaɗawẽa paneeɗai.

2 JEOWABA KɄ̃RIAƁUU BɄCHIA ICHI KɄ̃RIAYUA

“Bʉchia Jeowa bʉchi Akõre kʉ̃riai baraa bʉchia joma korasonɗeeba, bʉchiɗebenaɗeeba mauɗe bʉchi kʉ̃risiaɗeeba” (Mateo 22:37).

¿Bʉchia Dachi Akõre kʉ̃rianiibʉrã, kãare aseiba?

• Lucas 17:12-17

  Arakiruma a jarai Jeowamaa ichia bʉchi kakua joma aseɗaɗeeba.

• Mateo 7:16-20

  Unubii ichi kʉ̃ria unii, noremaacha ichia kʉ̃riaɓuu aseruuba.

• 1 Juan 5:3

  Ichi ley ũrii.

• 1 Timoteo 6:18

  Wabenarã kakua kosarã bia bereka asei.

3 WAABURU JEOWA KɄ̃RIABA

“Dachi Akõre waaburu kʉ̃riapanaabaɗa” (Judas 21).

¿Kãareba ũkuru waa Jeowa amiko nibai baita karebaɓua?

• 1 Tesalonicenses 5:17

  Kapichia ʉtaa wiɗii.

• Mateo 28:19, 20; 2 Timoteo 4:2

  Wabenarã ẽbẽrarãmaa Dachi Akõre Kobiernoɗebena bereka jarai.

• Proverbios 2:1-5

  Dachi Akõre ʉ̃rʉbena waaburu kawai.

• Hebreos 10:24, 25

  Ʉrreunion jomauɗaa wãi. Ãbarã konkrekasionɗebenaba Jeowa arakaita ɓeei baita karebapanua.