¿Kaidu jʉrʉiba bichia gobernante bai baita? ¿Chi Bibliaba kãare jara ɓua?

Chi ẽbẽrarãba jʉrʉbaraaɗai chi aude bibuara ɓuudu: kaiburu gobernayua kʉ̃ria panuma.

¿Kãare jara ɓua chi Bibliaba jãuɗebena?

Chi gobiernorãba poyaa aseɗawẽe ãchia kʉ̃risia duanuuɗebena

Bibliaba jara ɓuura chi gobiernorãba joma aseɗaabayu ɓuu.

• “Ijãarã́baɗa chi gobernanterãɗebena mauɗe mukĩra nureeɗebena siɗa, jãarãba poyaa salvaɗaabai ɓua. Ʉ̃yaba koɓooɗa apii diɗiburuuɗe, chi mukĩra jeeɗa ɓaebaria; ara jãu diaɗe ãchi kʉ̃risia baɗa acababaria” (Salmo 146:3, 4, nota).

Chi gobernanterã joma biubadaa, bariara biʼia ãrĩã traja duanuu siɗa. Mauɗe, biʼia ɓee asepeɗaaɗa siɗa, ãchirã kaaɗe neebudau biɗa maarãba araɓau aseɗaabai ɓua (Eclesiastés 2:18, 19).

Bibliaba jara ɓuu Dachi Akõreba ẽbẽrarã waubasii ara ãchi du aɓa gobernaɗai baita.

• “Chi mukĩra kʉ̃risia nii ichi biʼia ãda nii, maamina adua sama wãburuu” (Jeremías 10:23).

¿Nibaaka iɗibea chi gobernante bia nii?

Chi gobernante Dachi Akõreba trʉ̃ jaraɗa

Bibliaba jara ɓuu Dachi Akõreba trʉ̃ jarasii gobernayua chi aɓa niiba aude kuitaa ɓuu nii ichiɗeburu ijãaɗai baita, Jesucristo (Salmo 2:6). Ichidu chi rey Dachi Akõre Kobiernoɗe, ichi gobernamaa ɓuu ʉtʉ bajãareeba (Mateo 6:10).

¿Jʉrʉi ɓue bichia Jesús gobernai baita? Bibliaba jara ɓuu sakayua biʼia ãrĩã ɓuu ichidu jʉrʉɗayua:

• “Respetábaɗa chi warr [Jesucristo]; makawẽebʉrã, Dachi Akõre kĩruyua mauɗe machirã oɗe biuɗayua, ichi eteuɗeburu kĩrubarii bẽrã. ¡Kĩrajʉʉ panuu ichi baareburu nureerã!” (Salmo 2:12).

Jãabeeburu biʼia ɓuu jʉrʉɗayua. Jara ɓuu kĩraka profecía Bibliaɗe, Jesús goberna koɓeeɗa baɗa 1914ɗeeɗa. Chi profeciarã biɗa jara ɓua ara kaita kuɓuu chi Dachi Akõre Kobiernodu goberna koɓeeburua ẽbẽrarãɗeebiɗa (Daniel 2:44).

Bichia kawa kʉ̃ria ɓuubʉrã saka duanaɗai chi gobierno Jesusɗe leas chi artículo “Jambera Dachi Akõre Kobierno ome duanaɗai”.